“YARAT” Müasir İncəsənət Mərkəzi ASAN Radio ilə birgə tədbir təşkil edib.
ASAN Radio xəbər verir ki, “Radio günü” çərçivəsində Azərbaycan radiosunun keçmişi, bu günü və gələcəyi mövzusunda müzakirələr aparılıb. Ölkənin əksər radiostansiyalarının nümayəndələri "Radio günü"nə qoşulublar.
Tədbir çərçivəsində "Efir estetikası", "Radionun formatı, musiqi tərtibatı", "Radiostansiyanın idarə edilməsi", "PR, reklam və marketinq" və "Xəbərlər" mövzularında məruzələr dinlənilib, müzakirələr aparılıb. Dinləyiciləri maraqlandıran aktual məsələlər, suallar cavablandırılıb.
"Radio günü" konsert proqramı ilə davam edib.
Xüsusi qonaqlar Faiq Ağayev, Samirə Əfəndi, Azad Şabanov, Rilaya və Zamiq Hüseynovun ifaları gecəyə rəng qatıb. Bir zamanlar radio aparıcısı olmuş, xalq artisti Faiq Ağayev də müzakirələrə qoşulub.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!