USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Misirdə 28 May Respublika Günü münasibəti ilə silsilə tədbirlər davam edir

28 May Respublika Günü münasibəti ilə Azərbaycan Respublikasının Misir Ərəb Respublikasındakı Səfirliyi tərəfindən təşkil olunan silsilə tədbirlər çərçivəsində Misirdə siyasi və diplomatik çevrələrdə böyük nüfuza sahib olan “Diplomatiya” qəzetinin xüsusi buraxılışı nəşr olunub.

Səfirlikdən ASAN Radioya verilən məlumata görə, 12 səhifəlik rəngli qəzetin xüsusi buraxılışı bütünlüklə Azərbaycana həsr olunub. Qəzetdə Azərbaycan xalqının ümummilli lideri Heydər Əliyev, ölkəmizin qədim tarixi, zəngin mədəniyyəti, sürətlə inkişaf edən iqtisadiyyatı barədə ətraflı məlumatlar verilib, Azərbaycan Respublikasının Prezidenti cənab İlham Əliyevin həyata keçirdiyi daxili və xarici siyasət kursunun Azərbyacan xalqı tərəfindən rəğbət və dəstəklə qarşılandığı vurğulanıb. Qəzetdə çap olunan məqalələrdə Azərbaycanda keçirilən nüfuzlu beynəlxalq tədbirlər və müsabiqələr barədə də məlumat verilərək, bunların arasında IV İslam Həmrəyliyi Oyunları, Formula-1 yarışlarına da xüsusi yer ayrılıb.

Qəzetdə Azərbaycan Respublikasının Prezidenti cənab İlham Əliyevin 2017-ci ili İslam Həmrəyliyi ili elan etməsi, eyni zamanda, cənab Prezidentin İƏT-in jurnalında İslam Həmrəyliyi İlinə həsr olunmuş məqaləsi barədə məlumatlar verilib.

Xarici işlər naziri Elmar Məmmədyarovun 2016-cı ilin noyabr ayında Misirə rəsmi səfəri, Mədəniyyət və Turizm naziri Əbülfəz Qarayevin Misirin Luksor şəhərinə səfəri, KİV nümayəndələrinə verdikləri müsahibələr qəzetdə öz əksini tapıb.

Misir-Azərbaycan diplomatik münasibətlərin 25 illiyi ilə əlaqədar hər iki ölkə başçısının qarşılıqlı təbrikləri, ötən illər ərzində imzalanmış sənədlər, cari il ərzində Misir və Azərbaycan Yazıçılar Birlikləri arasında imzalanmış protokol, Xocalı soyqırımının 25 illiyi ilə əlaqədar fəlsəfə üzrə fəlsəfə doktoru Emil Rəhimovun ərəb dilində qələmə aldığı “Xocalı soyqırımı və itirilmiş ədalət” adlı kitabın səfirliyin dəstəyi ilə çap olunması, tədqiqatçı alim Seymur Nəsirovun ərəb mənbələrində azərbaycanlı alimlərin, sərkərdələrin tərcümeyi halları ilə bağlı məqaləsi və sair xəbərlər qəzetdə işıqlandırılıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!