USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
28 May-Respublika Günü Argentinada qeyd edilib

Azərbaycanın Argentinadakı səfirliyi tərəfindən 28 May - Respublika Günü ilə əlaqədar qəbul təşkil edilib.

Xarici İşlər Nazirliyinin mətbuat xidmətindən ASAN Radioya bildiriblər ki, qəbulda Argentina hökumətinin, parlamentinin, ölkədə akkreditə olunan diplomatik korpusun, elmi-akademik, işgüzar dairələrin, kütləvi informasiya vasitələrinin və Argentina ictimaiyyətinin nümayəndələri iştirak ediblər.

Tədbirdə çıxış edən səfir Rəşad Aslanov 28 may gününün Azərbaycan üçün tarixi önəmindən danışıb, 1918-ci ildə elan edilən və 23 ay ömrü olmuş Azərbaycan Xalq Cümhuriyyətinin müsəlman aləmində ilk demokratik dövlət olduğunu bildirib. 1991-ci ildə müstəqilliyin bərpasından sonra Azərbaycanın üzləşdiyi problemlər, beynəlxalq hüquq normalarını kobud şəkildə pozan Ermənistanın Azərbaycana qarşı hərbi təcavüzü və bunun nəticəsində torpaqlarımızın 20 faizdən çox ərazisinin işğal edildiyi diqqətə çatdırılıb.

Səfir ulu öndər Heydər Əliyevin ölkənin yenidən qurulmasında rolundan, Azərbaycanın Prezident İlham Əliyevin rəhbərliyi ilə əldə etdiyi uğurlardan ətraflı bəhs edib. Azərbaycanın geosiyasi önəmindən və regional proseslərdə oynadığı roldan, ölkəmizin Avropanın enerji təhlükəsizliyindəki rolundan, dövlətçiliyimizin daha da gücləndirilməsi üçün atılan addımlardan, ölkəmizdə təşkil olunan beynəlxalq səviyyəli tədbirlərdən danışıb.

R.Aslanov Azərbaycanda müxtəlif dinlərə və mədəniyyətlərə mənsub insanların rahat yaşadığını, güclü tolerantlıq ənənələrinin olduğunu qeyd edib. Həmçinin ölkəmizin zəngin turizm potensialından bəhs olunub.

Habelə R.Aslanov Azərbaycan-Argentina əlaqələrinə toxunub, iki ölkə arasında müxtəlif sahələrdə həyata keçirilən əməkdaşlıqdan, əlaqələrin möhkəmləndirilməsi istiqamətində görülən işlərdən bəhs edib. 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!