Dağlıq Qarabağ münaqişəsində status-kvo daimi deyil və münaqişənin siyasi həlli tapılmalıdır. Bu barədə Avropa İttifaqının Cənubi Qafqaz üzrə xüsusi nümayəndəsi Herbert Salber deyib.
"Qoşunların təmas xəttində son hadisələr status-kvonun nə qədər daimi olmadığını və münaqişənin həllini tapmaq lazım olduğunu göstərir", - deyə Salber bildirib.
Onun sözlərinə görə, Aİ ATƏT-in Minsk qrupunun və onun həmsədrlərinin münaqişənin həllində səylərini dəstəkləyir. Salber həmçinin tərəfləri atəşkəs rejiminə riayət etməyə çağırıb.
Münaqişənin həlli ilə bağlı Rusiyanın təklifinə gəlincə, Salber bildirib ki, bu barədə məlumatı yoxdur: "Əgər düz başa düşdümsə, ATƏT-in Minsk Qrupunun həmsədrləri bu təklifi dəstəkləyir və biz bunu müsbət qiymətləndiririk. Ümid edirik ki, danışıqlar ATƏT-in Minsk Qrupu çərçivəsində irəliləyişə gətirib çıxaracaqdır"
ATƏT-in Minsk Qrupunun formatının dəyişdirilməsi barədə danışarkən, Salber bildirib ki, formatın dəyişmək lazım olduğunu düşünmür. "Hər hansı format dəyişikliyi bütün ATƏT-in razılığını tələb edir və mən şübhə edirəm ki, belə bir razılıq alınacaq "- deyə Avropa İttifaqının Cənubi Qafqaz üzrə xüsusi nümayəndəsi bildirib.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!