23/08/2017 00:33

Valyuta USD EUR RUB TRY
Kurs 1.7008 1.9988 0.0288 0.4835


Gündəm

Bakıda beştərəfli görüş keçirilib


19.06.2017   16:40


Bakıda Azərbaycan, İran, Gürcüstan, Polşa və Ukrayna dəmir yolları rəhbərlərinin beştərəfli görüşü keçirilib. Görüşdə “Azərbaycan Dəmir Yolları” QSC-nin sədri Cavid Qurbanov, İran Dəmir Yolunun baş direktoru Səid Məhəmmədzadə, “Gürcüstan Dəmir Yolu” SC-nin sədri Mamuka Baxtadze, “Ukrayna Dəmir Yolu” SC-nin İdarə Heyətinin sədri Voytsex Balçun və Polşa Dövlət Dəmir Yolunun rəisi Kşiştof Maminski iştirak ediblər.

Görüşdə “Azərbaycan Dəmir Yolları” QSC-nin sədri Cavid Qurbanov çıxış edərək, dəmir yolunda həyata keçirilən islahatlar, beynəlxalq nəqliyyat dəhlizlərinin reallaşması və ölkənin tranzit potensialının artırılması istiqamətində görülən işlər və qarşıda duran vəzifələr haqqında ətraflı məlumat verib.

Beştərəfli görüşdə  "Cənub-Qərb" nəqliyyat marşrutu - üstünlükləri və inkişaf perspektivləri, eləcə də Azərbaycan, İran, Gürcüstan, Polşa və Ukrayna dəmir yolu rəhbərlərinin  "Cənub-Qərb" nəqliyyat marşrutu inkişaf perspektivləri ilə bağlı ilk yığıncağının protokolunun müzakirəsi və qəbul edilməsi məsələləri müzakirə edilib. Həmçinin görüşdə "Cənub-Qərb" nəqliyyat marşrutunun “Azərbaycan Dəmir Yolları” QSC tərəfindən hazırlanmış veb-saytının və video-rolikin təqdimatı baş tutub.

Müzakirələrlərdən sonra qərara alınıb ki, Hindistan – Fars Körfəzi – İran – Azərbaycan – Gürcüstan – Ukrayna – Avropa istiqaməti üzrə daşımaların optimallaşdırılmasına və həmçinin tərəflərin tranzit potensialının artırılmasına xidmət edəcək "Cənub-Qərb" nəqliyyat marşrutu üzərində əməkdaşlıq imkanları genişləndirilsin. Eyni zamanda bu marşrut üzrə daşınacaq yüklərə iştirakçı ölkələrin dəmir yolları arasında birgə güzəştli tariflərin tətbiq edilməsi məsələsi araşdırılsın.

Qəbul edilmiş razılığa əsasən, “Cənub-Qərb” marşrutu üzrə Azərbaycan Respublikası, Gürcüstan Respublikası, İran İslam Respublikası, Ukrayna Respublikası və Polşa Respublikasının dəmir yolları arasında koordinasiya işləri “Azərbaycan Dəmir Yolları” Qapalı Səhmdar Cəmiyyətinə həvalə edilir. Eyni zamanda “Cənub-Qərb” marşrutu üzrə strateji əhəmiyyətli məsələlər, həmçinin marşrutun inkişaf perspektivləri Koordinasiya Komitəsi tərəfindən həll olunacaq. Marşrut üzrə yüklərin daşınmasında mövcud olan və yarana biləcək maneələrin aşkar edilməsi və aradan qaldırılması məqsədilə, Koordinasiya Komitəsinin nəzdində Azərbaycan, Gürcüstan, İran İslam Respublikası, Ukrayna və Polşa Respublikaları dəmir yollarının nümayəndələrindən ibarət İşçi Qrup yaradılacaq.

Tədbirin sonunda isə müvafiq sənədlər imzalanıb.




Xəbər lenti

22 Avqust







ASAN Radio telefonunuzda
Facebook