Bu gün APA TV-nin “Bizim Həftə” verilişində “APA Holdinq” və ASAN Radio arasında imzalanmış memorandum, bu sənəddən irəli gələn qarşılıqlı öhdəliklərin yerinə yetirilməsi, gələcəkdə planlaşdırılan birgə layihələr müzakirə olunub. 

Bundan başqa verilişdə “APA Holdinq” – ASAN Radio əməkdaşlığının Azərbaycanda peşəkar jurnalistikanın formalaşmasına böyük töhvə verəcəyi, ümumiyyətlə, ölkəmizdə peşəkar informasiya qurumlarının əməkdaşlıq etməsinin zəruriliyi ətrafında diskussiya aparılıb.

İlqar Rəsulun aparıcısı olduğu “Bizim Həftə” verilişində “APA Holdinq”in Direktorlar Şurasının sədri Nurşən Quliyev, ASAN Radionun direktoru Emin Musavi və Azvision.az saytının baş redaktoru Vüsal Məmmədov qonaq olublar.

Xatırladaq ki, 2017-ci ilin may ayında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “İnnovasiyalar Mərkəzi” MMC-nin “ASAN Radio” Departamenti və “APA Holding” MMC arasında əməkdaşlıq haqqında anlaşma Memorandumu imzalanıb.

Memorandum “ASAN Radio” və “APA Holding” arasında informasiya dəstəyi, eyni zamanda digər qarşılıqlı maraq kəsb edən sahələrdə əməkdaşlığı əhatə edir.