19/10/2017 15:08

Valyuta USD EUR RUB TRY
Kurs 1.7001 2.0000 0.0297 0.4638


İdmandasan

“Sport Time” jurnalının növbəti təqdimatı keçirilib


14.07.2017   11:24


ASAN Radio xəbər verir ki, ölkəmizin idman siyasətinə, idmanın inkişafına xidmət göstərən “Sport Time” jurnalının növbəti təqdimat mərasimi keçirilib. Jurnalın bu sayı ölkəmizdə keçirilən IV İslam Həmrəyliyi Oyunlarına həsr olunub. Təqdimatda dərginin uğurlu fəaliyyəti, burada yer alan maraqlı məqalələr, rubrikalar diqqətə çatdırılıb. 

Millət vəkili, Milli Olimpiya Komitəsinin baş katibi Ağacan Abiyevin və “Sport Time” jurnalının baş redaktoru Jalə Rzabəylinin rəhbərliyi ilə keçirilən tədbirdə idman ictimaiyyətinin tanınmış simaları, ziyalılar, Olimpiya çempionları və incəsənət nümayəndələri iştirak edib. 

Dərgidə Azərbaycan Respublikasının Prezidenti, Milli Olimpiya Komitəsinin (MOK) prezidenti İlham Əliyevin IV İslam Həmrəyliyi Oyunlarında iştirakı, Oyunlara aid nitqi, Xəzərdən başlayan su səyahəti, İslamiadanın möhtəşəm açılış və bağlanış mərasimləri haqqında materiallar toplanıb. Həmçinin “Bakı-2017”də ölkəmizin birinci yeri qazanması əksini tapıb. 

Jurnalda MOK-un baş katibi, Milli Məclisin deputatı, professor Ağacan Abiyev, Yeni Azərbaycan Partiyası Yasamal rayon təşkilatının sədri Tağı Əhmədov, Avropa Azərbaycanlıları Konqresinin vitse-prezidenti Füzuli Məmmədovla bağlı məqalələr, habelə İslamiadanı uğurla başa vuran bir neçə federasiya və klublar barədə məqalələr dərc edilib. 

Oxucular bu nömrədə idmançıların ən çox müraciət etdikləri Artromed Tibb Mərkəzinin fəaliyyəti ilə də tanış ola bilərlər. Belə ki, dərgidə klinikanın idman travmaları, oynaq və onurğa sütunu xəstəlikləri zamanı apardığı uğurlu müalicə metodlarından bəhs olunub. Jurnalın “Fotoların dili ilə” rubrikasının bu dəfəki qonağı isə əməkdar Artist, bəstəkar-müğənni Elza Seyidcahan olub. 




Xəbər lenti

18 Oktyabr











ASAN Radio telefonunuzda
Facebook