18/11/2017 05:04

Valyuta USD EUR RUB TRY
Kurs 1.7002 2.0051 0.0281 0.4374


Mədəniyyət

Brilliant Dadaşova: “Harada Azərbaycan musiqisi səslənəcəksə, mən onu dəstəkləyəcəm”


17.07.2017   17:22


“Körpülərin altında yatanlar məhz həmin o boş-boğaz insanlardır ki, tənbəlliyə pərgardırlar, amma iş görmək lazım olanda min dəfə düşünürlər”.

Bunu ASAN Radioya müsahibəsində xalq artisti Brilliant Dadaşova sosial şəbəkədə müğənnilər haqqında müxtəlif yazılar dərc edən insanlar haqqında fikirlərini açıqlayarkən deyib.

Onun sözlərinə görə, yaxşı yaşamaq üçün zəhmətkeş və pozitiv olmaq vacibdir. 

Brilliant Dadaşova qeyd edib ki, onun haqqında sosial şəbəkədə mənfi yaxud müsbət yazıların dərc edilməsi qətiyyən narahatlıq törətmir. “Əksinə, belə anlarda məni sevən insanların nə qədər çox olmasının şahidi oluram və bu, məni sevindirir. Bir daha sübut olunur ki, mənim musiqimlə, səsimlə yaşayanlar var. Bu, gözəllikdir.”

Xalq artistinin sözlərinə görə, müxtəlif millətlərin nümayəndələri Azərbaycan musiqiləri ilə müxtəlif tədbirlər keçirirlər. Bununla belə o, vurğulayıb ki, heç kim Azərbaycan musiqisinin incilərini özününküləşdirə bilməz, çünki həmin musiqi incilərinin üstündə artıq Azərbaycanın adı var.

Jurnalistlər içində çox savadlı insanlar olduğu kimi, çox savadsız, cümlə qura bilməyənlər də var” deyən müğənni son zamanlar sosial şəbəkədə erməni musiqiçisi Varujan Şahbazyanın paylaşımına “Super” sözlərini yazması ətrafında yaranmış qalmaqala münasibətini də açıqlayıb.

Harada Azərbaycan musiqisi səslənəcəksə, kimin tərəfindən səslənəcəksə, mən onu dəstəkləyəcəm, ona “Super” deyəcəm, mən ona təşəkkürümü bildirəcəm. O qışqıranlar heç vaxt mənim qarşımı ala bilməyəcəklər.”

Xalq artisti bildirib ki, gənc nəsilə həmişə milli musiqimizi təbliğ etməyi tövsiyyə edib: “Muqimizi – tərəkəməmiz olsun, Emin Sabitoğlunun mahnıları olsun, “Vağzalı”mız olsun, “Uzun Dərə”miz olsun – harada əgər bunu ifa edirlərsə, istəyir afrikalı ifa etsin, Siz ona münasibətinizi bildirin. Onu dəstəkləyin ki, onda bizim musiqiyə nifrət oyanmasın, bizim musiqini daha çox sevsin, daha çox təbliğ etsin.”

 




Xəbər lenti

17 Noyabr











ASAN Radio telefonunuzda
Facebook