Milli komandaların FİFA reytinqi açıqlanıb. ASAN Radionun Apasport.az-a istinadən verdiyi məlumatına görə, siyahıda bir sıra dəyişikliklər olub.
Buna səbəb KONKAKAF kuboku və yoxlama oyunlarının nəticələridi. Azərbaycan millisi bu cədvəldə 79-cu sırada qərarlaşıb. Hesabat dövründə heç bir matç keçirməyən Robert Prosineçkinin yetirmələrinin hesabında 427 xal var.
Millimiz ötən ayla müqayisədə 1 pillə irəliləyib. Buna qonşu pillələrdəki yığmaların mövqe dəyişiklikləri səbəb olub. Komandamız iki ölkəni – Kuraçao ilə Trinidad və Tobaqonu keçib. Lakin yığmamız iki deyil, bir pillə irəliləyib. Çünki Syerra-Leone də bizi arxada qoyub.
Millimiz və “qonşular”ı
75 (72). Honduras – 465
76 (83). Syerra-Leone - 448
77 (77). Çin - 447
78 (79). Qətər – 433
79 (80). Azərbaycan – 427
80 (82). Suriya – 423
81 (86). Konqo – 413
82 (84). Keniya – 412
83 (87). Liviya - 399
83 (78). Trinidad və Tobaqo – 399
Dünyanın ən güclü 10 komandasının mövqeyində də ciddi dəyişikliklər baş verib. Braziliya yenidən zirvəni ələ keçirib. Bundestimin liderliyi cəmi bir ay sürüb. İsveçrə və Polşa Portuqaliyanı arxada qoymağı bacarıb. Fransa isə mövqeyini Belçikaya verib.
İlk “onluq”
1 (2). Braziliya – 1604
2 (1). Almaniya – 1549
3 (3). Argentina – 1399
4 (5). İsveçrə - 1329
5 (6). Polşa - 1319
6 (4). Portuqaliya – 1267
7 (7). Çili – 1250
8 (8). Kolumbiya – 1208
9 (10). Belçika – 1194
10 (9). Fransa – 1157
Millimizin DÇ-2018-in seçmə mərhələsindəki rəqiblərinin də mövqeyi dəyişib. Almaniya və Şimali İrlandiya 1 pillə geriləyib. Norveç isə 3 addım irəliləyib.
DÇ-2018-in seçmə mərhələsi, Avropa zonası üzrə C qrupu
2 (1). Almaniya – 1549
23 (22). Şimali İrlandiya - 897
40 (40). Çexiya - 714
85 (88). Norveç - 391
204 (204). San-Marino – 12
Qeyd edək ki, qonşu Türkiyə yığması 33-cü yerdə qalıb. “Ay-ulduzlular”ın hesabında 779 xal var.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!