"Qarabağ" komandasının baş məşqçisi Qurban Qurbanov Danimarka təmsilçisi "Kopenhagen"lə Çempionlar Liqasının "pley-off" mərhələsinin ilk oyunu barədə fikirlərini bölüşüb.
ASAN Radionun "Report"a istinadən verdiyi məlumatına görə, 45 yaşlı mütəxəssis matçdan əvvəl təşkil edilən mətbuat konfrasında jurnalistlərin suallarını da cavablandırıb.
- Çox vacib oyuna hazırlaşırıq. Matçın mahiyyətini bilirik. Futbolçular məsuliyyəti dərk edirlər. Bizim üçün tanış olmayan bir sistemlə çıxış edən rəqibə qarşı oynaycağıq.
- Komandada gərginlik yoxdur?
- Optimal formamızdan uzağıq. Bəzi futbolçularda mikrozədələr oldu. İndi elə də bir problem yoxdur. Bu matç Azərbaycan futbolu üçün önəmlidir. Lakin oyunçuların üzərinə getmək, onları təzyiqdə saxlamaq olmaz.
- Rəqibin oyununu canlı izləməməyiniz nə ilə bağlıdır?
- Bəzən canlı izləməyə ehtiyac yoxdur. Bu ölkənin komandasına qarşı Avstriyada yoxlama oyunu keçirdik. Daha çox videolara təkrar baxmışıq. Rəqib barədə məlumat toplamışıq.
- "Qarabağ" Skandinaviya klublarına qarşı həmişə uğurlu çıxış edib. Bəlkə bu arxayınçılıq yaradıb və rəqibə canlı baxmağa gərək görməmisiniz?
- Arxayınçılıqdan söhbət gedə bilməz. Həm Danimarka futbolu, həm də "Kopenhagen" fərqlidir. Rəqib intizamlı komandadır. Elə olmur ki, onların oyun sistemi pozulsun. Daim nəzarəti əllərində saxlayırlar.
- "Kopenhagen"nin ölkə çempionatında ardıcıl xal itiriblər. Bu rəqibə necə təsir edəcək?
- Öz təcrübəmdən deyirəm ki, belə olanda komanda daha da məsuliyyətli olur. Həm də çempionatla avrokubok fərqlidir. “Kopenhagen”in çox böyük təcrübəsi var və bu bizə hər an mane ola bilər. Əlimizdən gələni edəcəyik. Matçın gedişində bəzi dəyişikliklərə əl ata bilərik. Sabah futbolçularım düzgün oyun qurmağa çalışacaqlar.
- Donald Gerryenin zədəsi necədir?
- Sağlamlığı pis deyil. Sabah həkimlərin fikrini bir daha soruşacağam və qərarımı verəcəyəm.
- Avropa Liqasının qrup mərhələsini təmin etmisiniz. Bunu bilib, meydana çıxmaq futbolçulara mənfi təsir etməyəcək?
- Çempionlar Liqasının matçına çıxacağıq və onun himni səslənəcək. Belə ağır oyunlar çox olub və həmişə çalışmışıq ki, meydanı başıyuxarı tərk edək. Ən azı bu səviyyədə qalmalı və mümkün qədər “artırmalıyıq”.
- Dani Kintananın yenidən zədələnməsi planlarınızı pozmadı ki?
- Əlimdə nə qədər çox futbolçu olsa, bir o qədər yaxşıdır. Onun zədəsi çox ciddi deyil. Yəqin tam formasını bərpa etməsi üçün bir ay lazım olacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!