"Açığı, qol vuracağımı gözləmirdim. Özümə də sürpriz oldu. Sevinirəm ki, belə bir xoş sürprizlə qarşılaşdım və matçda ilk qolumu vurdum".
ASAN Radionun məlumatına görə, bunu "Qarabağ"ın futbolçusu Mahir Mədətov Bakıda Danimarka "Kopenhagen"ini 1:0 hesabı ilə yendikləri Çempionlar Liqasının ilk "pley-off" matçından sonra deyib.
Mədətov vurduğu qoldan sonra italiyalı baş hakim Paolo Talyaventonun qərarını gözlədiyini bildirib: "Topu tora göndərdikdən sonra bir anlıq tərəddüd etdim. Baş hakimə baxdıqdan sonra gördüm ki, əli yuxarı yox, mərkəzə doğrudur. Ondan sonra qol sevincimi qeyd etdim".
Gənc hücumçunun fikrincə, avqustun 23-də keçiriləcək cavab görüşü ilk matçdan da çətin olacaq: "Hələ işimiz bitməyib. Qarşıda cavab görüşü var. Komandamızın qarşısındakı məqsədə doğru getməliyik. Ona görə də boşalmaq olmaz. Səfər matçında azarkeş amili də öz sözünü deyəcək. Biz də nəyimiz varsa, ortaya qoymalı, tarix yazmalıyıq. Ən azı 2 top fərqi ilə qalib gəlsəydik, Kopenhagenə daha üstün durumda yollanardıq. 1:0 sürüşkən hesabdır. Amma böyük hesablı qələbə qazansaydıq belə, inanmıram ki, boşalacaqdıq. Çünki rəqibin adı və oyunu hamımıza bəllidir".
Mədətov hazırda cavab görüşünü yox, Azərbaycan Premyer Liqasının II turunda qarşı keçirəcəkləri ev oyununu düşündüklərini də vurğulayıb: "İndidən nə isə danışmaq istəmirəm. Bu gün uşaqlar əziyyət çəkdilər. Artıq yaxşıca dincələrək, "İnter"lə qarşıdakı çempionat matçına köklənməliyik. Daha sonra isə "Kopenhagen"lə cavab görüşünü düşünərik".
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!