16/12/2017 05:12

Valyuta USD EUR RUB TRY
Kurs 1.7001 2.0032 0.0289 0.4379


Dövlət qurumları

Tullantıların qalaqlanmasına və yandırılmasına görə bələdiyyə sədri cərimələndi


16.08.2017   10:24


Sumqayıt şəhər sakini Rauf Məcidbəyli tərəfindən Abşeron rayonu Saray qəsəbəsi ərazisində məişət tullantılarının qalaqlanması ilə bağlı Ekologiya və Təbii Sərvətlər Nazirliyinin “Qaynar xətt”inə şikayət daxil olub. Şikayət nazirliyin yerli qurumlarının əməkdaşları tərəfindən yerində araşdırılıb. 

Ekologiya və Təbii Sərvətlər nazirliyinin mətbuat xidmətindən ASAN Radioya bildirilib ki, araşdırma zamanı Bakı-Quba magistral avtomobil yolunun 17-ci kilometrliyində, Abşeron rayonunun Saray qəsəbəsi ərazisində məişət və istehsalat tullantılarının qalaqlanması  və yandırılması faktı aşkar edilib. 

Ərazidə tullantıların idarə olunmasına cavabdeh olan Saray bələdiyyəsinin sədri Natiq Tahirov barəsində protokol tərtib olunub və o inzibati qaydada 2500 manat məbləğində cərimə edilib. Yol verilmiş qanun pozuntusunun aradan qaldırlması üçün cavabdeh şəxsə icrası məcburi olan müddətli “məcburi göstəriş” verilib.

 




Xəbər lenti

15 Dekabr











ASAN Radio telefonunuzda
Facebook