USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Bu gün futbol üzrə Topaz Premyer Liqasında IV tura start veriləcək

Bu gün futbol üzrə Topaz Premyer Liqasında IV tura start veriləcək.

ASAN Radio AZƏRTAC-a istinadən xəbər verir ki, turun ilk oyun günündə iki matç keçiriləcək.

Günün ilk görüşündə üç turdan sonra üç xala malik “İnter” klubu bir xalla sonuncu pillədə qərarlaşan Gəncə təmsilçisi “Kəpəz”i qəbul edəcək. “İnter Arena”da təşkil ediləcək qarşılaşmaya baş hakim kimi Əliyar Ağayev təyin olunub. Oyun saat 17:00-da start götürəcək.

Bu kollektivlər arasında keçirilən son səkkiz oyunda qonaq tərəf qələbə qazana bilməyib. “İnter” son 13 matçda bir dəfə uduzub. Ümumiyyətlə, paytaxt təmsilçisi gəncəlilərə qarşı keçirdiyi 26 matçdan 15-də qalib gəlib, 5 dəfə uduzub. Altı oyun bərabərə başa çatıb.

Günün ikinci qarşılaşması “Qəbələ” və “Zirə” komandaları arasında oynanılacaq. Qəbələ şəhər stadionunda keçiriləcək oyun saat 20:30-da start götürəcək. Turun mərkəzi görüşünü Ömər Paşayev idarə edəcək.

Mövsümə ardıcıl üç qələbə ilə başlayan qonaqlar doqquz xalla birinci pillədə qərarlaşıblar. Yalnız səfərdə “Qarabağ”a məğlub olan meydan sahibləri isə üçüncü pillədədirlər.

“Qəbələ” son altı matçdır ki, meydanı qolsuz tərk etmir. Son iki görüşdə heç-heçə qeydə alınıb. Paytaxt təmsilçisi ilə qarşılaşdığı səkkiz oyundan üçündə qələbə qazanan “Qəbələ” iki görüşdə məğlub olub.

Turun digər matçı sentyabrın 10-da keçiriləcək. Həmin gün “Sumqayıt” klubu “Kapital Bank Arena”da paytaxt təmsilçisi “Neftçi” ilə qarşılaşacaq. Saat 19:00-da başlayacaq qarşılaşma Rəhim Həsənova həvalə olunub.

IV tur çərçivəsində sentyabrın 8-də keçirilməsi nəzərdə tutulan “Səbail”–“Qarabağ” görüşü Ağdam təmsilçisinin UEFA Çempionlar Liqasının qrup mərhələsində “Çelsi” komandası ilə matça yaxşı hazırlaşması məqsədilə dekabrın 8-də oynanılacaq.

Xatırladaq ki, üç turdan sonra doqquz xala malik “Zirə” klubu Ağdam komandası ilə birlikdə turnir cədvəlində birinci-ikinci pillələri bölüşürlər. “Qəbələ” klubu altı xalla üçüncü yerdədir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!