USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Bakıda Əfqanıstanın milli bayramı qeyd edilib

Bakıda Əfqanıstanın müstəqilliyinin 98-ci ildönümü münasibətilə qəbul təşkil olunub.

ASAN Radio xəbər verir ki, qəbulda əvvəlcə Azərbaycanın və Əfqanıstanın dövlət himnləri səslənib.

Tədbirdə çıxış edən bu ölkənin Azərbaycandakı səfiri Məhəmməd Tağı Xəlili Əfqanıstan-Azərbaycan münasibətlərinin inkişafından danışıb. Səfir deyib: “Dostluğumuz qarşılıqlı hörmətə və anlayışa söykənir. Azərbaycan NATO-nun Əfqanıstandakı missiyasına sadiqdir və ölkəmizin etibarlı tərəfdaşıdır. Azərbaycan, həmçinin əsl dost kimi imkanı daxilindəki bütün resurslarını bizə təqdim edib. Təhlükəsizlik və hərbi yardım, təlim və maliyyə dəstəyi, ordumuzun inkişafı naminə Əfqanıstan Milli Ordusunun yardım Fonduna ianələri, ölkəmizin istər regional, istərsə də qlobal iqtisadiyyata inteqrasiyasına kömək məqsədilə siyasi islahatların aparılması istiqamətində məsləhətləri bu qəbildəndir”.

Dini Qurumlarla İş üzrə Dövlət Komitəsinin sədri Mübariz Qurbanlı çıxış edərək əlamətdar gün münasibətilə əfqan xalqını Azərbaycan hökuməti adından təbrik edib. O bildirib ki, iki ölkə arasında əlaqələr tarixi köklərə malikdir, hər iki xalqı tarix və mədəniyyət birləşdirir. “İki ölkə arasında 1994-cü ildən diplomatik münasibətlər mövcuddur və o vaxtdan bu günə kimi əlaqələrin inkişafı istiqamətində mühüm addımlar atılıb. Siyasi, iqtisadi, mədəni və sosial sahələrdə əlaqələrimiz sürətlə inkişaf edir. Əldə edilmiş uğurların qorunub saxlanması və Azərbaycan iqtisadiyyatının daha sürətli inkişafı məqsədi ilə xarici ölkələrlə ticarətin iqtisadi əməkdaşın genişlənməsi böyük əhəmiyyətə malikdir. Bu baxımdan biz Əfqanıstanla tikinti və infrastruktur, energetika və turizm sektorları sahələrində əməkdaşlıq əlaqələrinin genişləndirilməsinə böyük önəm veririk. İkitərəfli əlaqələrin sürətlə inkişaf edərək hazırkı səviyyəyə çatdırılmasında yüksək səviyyəli qarşılıqlı səfərlər və eyni zamanda, bağlanan sənədlər mühüm rol oynayır. Əfqanıstan və Azərbaycan arasında əlaqələrin daha da genişlənməsi üçün böyük potensial var”, - deyə M.Qurbanlı vurğulayıb.

Komitə sədri Ermənistan-Azərbaycan, Dağlıq Qarabağ münaqişəsi ilə bağlı Əfqanıstanın ölkəmizin ədalətli mövqeyini və ərazi bütövlüyünü dəstəkləməsini yüksək qiymətləndirib. Həmçinin qeyd olunub ki, Əfqanıstan da Azərbaycanın ikitərəfli və çoxtərəfli formatda dəstəyini müsbət dəyərləndirir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!