18/10/2017 07:32

Valyuta USD EUR RUB TRY
Kurs 1.7003 2.0028 0.0297 0.4659


İdmandasan

Qadın voleybolçular arasında Avropa çempionu bəlli olub


02.10.2017   08:13


Bu gün Bakıda keçirilən qadın voleybolçular arasında Avropa çempionatına yekun vurulub. ASAN Radionun məlumatına görə, turnirin son günündə yarışın qalibi və üçüncü yerin sahibi bəlli olub.

İlk olaraq bürünc medallar öz sahibini tapıb. Saat 16:00-da zala Azərbaycan və Türkiyə milliləri daxil olublar. Qitə birinciliyində yarımfinala yüksəlməklə tarixinin ən yaxşı nəticəsini yeniləyən Faiq Qarayevin yetirmələri növbəti rekorda imza ata bilməyib.

Belə ki, “ay-ulduzlular” üzərində əldə olunacaq mümkün qələbə yığmamızın tarixinə ilk medal kimi düşəcəkdi. Ancaq komandamız gözlənilənlərin əksinə çox zəif çıxış edib. Voleybolçularımız ilk setdə qalib gəlsə də, sonradan Türkiyə qarşısında duruş gətirə bilməyiblər. Xüsusilə 3 və 4-cü setdə imkanlarının çox aşağısında oynayan Faiq Qarayevin yetirmələri yekunda meydanı başıaşağı tərk ediblər.

Finalda isə Hollandiya və Serbiya kimin ən güclü olduğunu aydınlaşdırıblar. Rəqibinə 3:1 hesabı ilə qalib gələn serblər qitənin ən güclüsü adını qazanıblar.




Xəbər lenti

18 Oktyabr
17 Oktyabr











ASAN Radio telefonunuzda
Facebook