“İçərişəhər” Dövlət Tarix-Memarlıq Qoruğu İdarəsində Arxeologiya və Tarix Kolleksiyalarının və Muzeylərinin Beynəlxalq Komitəsinin “Muzeylər, kolleksiyalar və sənaye irsi” adlı illik beynəlxalq konfransı keçirilib.

Arxeologiya və Tarix Kolleksiyalarının və Muzeylərinin Beynəlxalq Komitəsi, Beynəlxalq Muzeylər Şurasının Azərbaycan Milli Komitəsi və “İçərişəhər” Dövlət Tarix-Memarlıq Qoruğu İdarəsinin birgə təşkilatçılığı ilə baş tutan konfransda “İçərişəhər” Dövlət Tarix-Memarlıq Qoruğu İdarəsinin rəisi Əsgər Ələkbərov bildirib ki, bu tədbirin təşkili üçün artıq keçən ildən etibarən böyük işlər görülüb.

Mədəniyyət və turizm nazirinin müavini Sevda Məmmədəliyeva Beynəlxalq Muzeylər Şurasının qədim komitələrindən birinin illik konfransının ölkəmizdə keçirilməsinin əlamətdar hadisə olduğunu qeyd edib.

Bildirilib ki, üç gün davam edəcək konfransın akademik sessiyalarında dörd mövzu üzrə məruzələr dinləniləcək.

Konfransın birinci günü müzakirələrlə davam edib.

Qeyd edək ki, konfransda Türkiyə, Gürcüstan kimi region ölkələri ilə yanaşı Fransa, Belçika, Serbiya, Paraqvay, Yaponiya, Panama, Seneqal kimi dünyanın müxtəlif müzeylərindən gələn nümayəndələr və muzey peşəkarları məruzələrlə çıxış edəcəklər.

Səs yazısı: