“Azərbaycan Qadınlarının İKT Klubu - “FEMMES DIGITALES” ənənəvi olaraq Beynəlxalq Telekommunikasiya İttifaqı tərəfindən təsis edilən İKT-də “Qızlar Beynəlxalq Günü”nü qeyd edib. Bu münasibətlə bu gün ADA Universitetində “Microsoft Azərbaycan”la birgə “Azərbaycanın Rəqəmsal Qızları: İKT-də parlaq gələcək. Yeni nəsil qadınlar üçün imkanlar” mövzusunda konfrans keçirilib.

Konfransda informasiya texnologiyaları və startaplar sahəsinə cəlb edilmiş qadınlar toplanaraq İKT sahəsində müzakirələr apardılar, şəbəkələşmədən və təcrübə mübadiləsindən danışdılar. Tədbirə təhsil, mədəniyyət, məşğulluq və texnologiyalara dair məsələlərlə məşğul olan dövlət qurumları, səfirliklərin nümayəndələri, yerli İKT şirkətlərinin rəhbərləri, eləcə də bu sahədə çalışan qadın sahibkarlardan ibarət 200-dən artıq iştirakçı qatılıb.

Tədbir zamanı iştirakçılar Azərbaycanda İKT sahəsində uğurlu fəaliyyəti ilə fərqlənən qadınlarla ünsiyyətdə oldular, suallar ünvanladılar.

Tədbirin keçirilməsində məqsəd xanımları ruhlandırmaq, İKT sahəsinin təqdim etdiyi yenilikləri nümayiş etdirmək olub.