“ASAN xidmət” mərkəzlərindəki iş prinsipi çox xoşuma gəldi. Statistikaya baxsaq, orta hesabla dörd dəqiqə ərzində vətəndaşların müraciətləri öz həllini tapır. Çox çevik sistemdir və vətəndaşlar məmnundurlar. Azərbaycandakı “ASAN xidmət” mərkəzlərində yüksək keyfiyyətli xidmət göstərilir.
ASAN Radio AZƏRTAC-a istinadla xəbər verir ki, bu sözləri 5 saylı “ASAN xidmət” mərkəzinin fəaliyyəti ilə tanış olan kibercinayətkarlıqla mübarizəyə dair beynəlxalq konfransın Ukraynadan olan iştirakçısı Alyona Kleşşinskaya jurnalistlərə müsahibəsində deyib.
Ölkəmizə ilk dəfə gəldiyini deyən Alyona Kleşşinskaya qeyd edib ki, bu xidmətlər çox rahatdır. Regionlarınızda da “ASAN xidmət” mərkəzləri olduğu üçün vətəndaşlarınızın Bakıya gəlməsinə və növbədə gözləməsinə ehtiyac olmur və beləliklə, xidməti yerindəcə almaq olur. Vətəndaşlara yaşadıqları bölgədə xidmətdən istifadə etmək imkanları yaradılıb. Düşünürəm ki, “ASAN xidmət” mərkəzlərinin yaradılması çox yaxşı ideyadır. Mənə elə gəlir ki, siz bu ideyanı paylaşmalı və Azərbaycanın bu müsbət təcrübəsini başqa ölkələrlə bölüşməlisiniz.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!