“ESET” antivirus şirkətinin mütəxəssisləri ekranı bloka salmaq funksiyasına malik və “Android” mobil əməliyyat sistemi ilə işləyən qurğular üçün ilk şifrləyici virus aşkar ediblər.
ASAN Radio AZƏRTAC-a istinadla xəbər verir ki, bu haqda şirkətin rəsmi saytında məlumat verilib.
“DoubleLocker” adlandırılan zərərverici proqram mobil bank troyanının əsasında işləyir. Virus qurğunun PIN kodunu dəyişdirə, həmçinin cihazın yaddaşında saxlanılan məlumatları şifrləmək funksiyasına malikdir.
Bir çox başqa troyanlar kimi “DoubleLocker” virusu da adətən “Adobe Flash Player” adı altında maskalanaraq saytlar vasitəsilə yayılır. Qurğunu yoluxdurduqdan sonra şifrləyici “Google Play Service” adlı şəxsi zərərverici xidmətini aktivləşdirməyi təklif edir, bundan sonra inzibatçılıq hüququnu aktivləşdirir.
“DoubleLocker” qurğunu bloka saldıqdan sonra istifadəçidən 0,013 bitkoin məbləğində ödəniş tələb edir. Bu halda hakerlər xəbərdarlıq edirlər ki, tələb edilən məbləğ 24 saat ərzində köçürülməsə, məlumatlar həmişəlik şifrlənəcək.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!