USD - 1.7 EUR - 1.9314 RUB - 0.0256 TRY - 0.3176 DAHA ÇOX
SON DƏQİQƏ
INNOLAND beynəlxalq proqramın regional müraciətlərini qiymətləndirəcək Lukaşenko: Dedim Serj, 5 rayonu Azərbaycana qaytar, dedi qaytarsam... Azərbaycanda “Aqrar tədarük və təchizat” Açıq Səhmdar Cəmiyyəti yaradılıb İstirahət günlərində səyahətə çıxanlar üçün hava proqnozu Leyla Əliyevanın bir qrup rusiyalı qadının məktubuna cavabı
Geomaqnit qasırğasının səngiyəcəyi gün açıqlandı

Sabahdan etibarən geomaqnit qasırğası səngiyəcək.

ASAN Radionun məlumatına görə, bunu jurnalistlərə Azərbaycan Milli Elmlər Akademiyası (AMEA) Şamaxı Astrofizika Rəsədxanasının elmi işlər üzrə direktor müavini Elçin Babayev deyib.

Onun sözlərinə görə, təqribən 5 gündür ki, başlayan geomaqnit qasırğası hələ də aramsız olaraq davam edir və vaxtaşırı G1 və G2 kateqoriyalı səviyyələrə keçir.

Bu prosesin bu gün də davam etdiyini deyən E.Babayev deyib ki, buna səbəb Günəşdəki tac dəlilklərindən başlanğıcını götürən yüksək surətli Günəş plazma küləyidir:

"Maraqlıdır ki, hazırda Günəşin səthində bir dənə də olsa günəş ləkəsi müşahidə olunmur. Adətən bu ləkələr və onların yaxınlığında olan alışmalardan sonra bu cür mürəkkəb vəziyyət yaranarsa kosmik hava korlanırdı. Lakin bugünkü səbəb günəşin səthində orta ölçüyə malik tac dəliyindən əsən günəş plazma küləyidir. Həmin külək 5 gündür yer ətrafı fəzaya çatıb. Hazırda yer həmin küləyin ağuşundadır. Bu da geomaqnit qasırğasına səbəb olur".

E.Babayev qeyd edib ki, kosmik hava əgər korlanmış meteoşəraitlə tandem təşkil edirsə , diskomfort vəziyyəti artırmış olur. Bu halda həkimlər hansısa qabaqlayıcı tədbirlərin həyata keçirilməsini məsləhət görürlər.

Alimin sözlərinə görə, bu hal ilk növbədə risk qrupuna daxil olanlar üçün təsirli olur. Bu zaman əsasən ürək qan-damar sistemi xroniki xəstəliklərinə məruz qalan insanlar, qismən də ahıl insanlar və azyaşlı uşaqlar daha çox artmış diskomforta məruz qalırlar:

"Adətən impulsiv baş ağrıları, halsızlığın artması şəklində özünü göstərir. Heç bir təşvişə düşməyə ehtiyac yoxdur. Hesab edilir ki, sabahdan etibarən vəziyyət əvvəlki normasına düşəcək".

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio