Müdafiə Nazirliyinin Xızı rayonu ərazisində yerləşən N saylı hərbi hissəsinin sursat anbarında baş vermiş partlayışla əlaqədar evlərinə zərər dəyən sakinlər üçün yeni mənzillərin tikintisinə başlanılıb.
ASAN Radio xəbər verir ki, hadisə ilə əlaqədar dövlətimizin başçısının tapşırığına əsasən yaradılan komissiya əraziyə baxış keçirdikdən sonra ümumilikdə 10 evə ciddi ziyan dəydiyi müəyyənləşdirilib.
Oktyabrın əvvəlindən Azərbaycan Respublikası Ərazilərin Bərpası və Yenidən Qurulması üzrə Agentlik tərəfindən Giləzi qəsəbəsində üç evin yenidən tikilməsinə, digərlərinin isə əsaslı təmirinə başlanılıb.
Xızı Rayon İcra Hakimiyyəti başçısının Giləzi inzibati ərazi dairəsi üzrə nümayəndəsi Aydın Dadaşov AZƏRTAC-a müsahibəsində bildirib ki, sakinlər üçün yeni evlərin tikintisinin noyabr ayında başa çatdırılması nəzərdə tutulub.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!