Bakıda keçirilən “İtaliyan dili həftəsi” çərçivəsində tanınmış italiyalı rejissor, ssenarist Françesko Bruni ilə görüş keçirilib.
“Park Cinema Flame Towers”də keçirilən görüşdə Françesko Bruni ilə yanaşı İtaliyanın ölkəmizdəki səfiri Auqusto Massari iştirak edib. Səfir çıxışında bildirib ki, Bakıda keçirilən “İtaliyan dili həftəsi”nin maraqlı və yaddaqalan olmasını üçün Françeko Bruniyə dəvət göndərmişik.
Françesko Bruni Bakıda olduğu üçün məmnunluğunu bildirdi:
“Təəssüratlarım çox yüksəkdir. Bakı çox gözəl və geniş şəhərdir. Həm də müasirdir. Mən burada bir film çəkmək və ya hansısa bir azərbaycanlı rejissora İtaliyada işləməyə kömək edə bilərəm. Mən mədəniyyət sahəsində körpüləri çox sevirəm. Mənim üçün işlədiyim yerin mədəniyyətini və dilini bilmək çox vacibdir. filmi çəkməmişdən öncə bir neçə dəfə bura gedib gəlməliyəm”.
Qarşılıqlı müzakirələrlə davam edən görüşdə italiyalı rejissor sualları da cavablandırıb. Daha sonra rejissorun “İstədiyin hər şey” adlı ekran əsəri nümayiş olunub.
Filmdən sonra İtaliyanın ölkəmizdəki səfiri Auqusto Massari ilə həmsöhbət olub, filmlə bağlı təəssüratlarını öyrəndik:
“Film çox gözəldir. Mən düşünürəm ki, bizim həyatımız fərqli görüşlərdən ibarət olmalıdır. Bəzən cavanlar haqda düşünürük ki,onlar heç nəyi bacarmırlar. Amma bu film onu göstərdiki bir şəxsiyyətlə tanış olanda onlar həqiqtən dəyişməyə qadirdirlər.”
Qeyd edək ki, “İstədiyin hər şey” filmi “Ən yaxşı ssenari” üzrə mükafata layiq görülüb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!