USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
O.Savran: “ASAN xidmət” mərkəzləri korrupsiyaya qarşı mübarizədə mühüm rola malikdir

Azərbaycanda fəaliyyət göstərən “ASAN xidmət” mərkəzləri vətəndaşlara gözəl xidmət göstərir. Bu mərkəzlərin sayının gündən-günə artması təqdirəlayiqdir. “ASAN xidmət” mərkəzlərinin yaradılması Azərbaycanda korrupsiyaya qarşı mübarizə sahəsində ən səmərəli tədbirlərdəndir. Mən Azərbaycanda korrupsiyaya qarşı mübarizə ilə bağlı məruzəmdə qeyd etmişdim ki, “ASAN xidmət” mərkəzləri ölkənizin korrupsiyaya qarşı mübarizəsində ən kəsərli vasitədir və dövlətin vətəndaşlara xidmətinin təmini sahəsində mühüm uğurlardan biridir.

ASAN Radio AZƏRTAC-a istinadən xəbər verir ki, bu sözləri oktyabrın 27-də İqtisadi Əməkdaşlıq və İnkişaf Təşkilatının (OECD) Şərqi Avropa və Mərkəzi Asiya üçün Antikorrupsiya Şəbəkəsinin (ACN) meneceri xanım Olqa Savran jurnalistlərə müsahibəsində deyib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan 5 saylı “ASAN xidmət” mərkəzinin fəaliyyəti ilə tanış olan O.Savran bildirib ki, bu mərkəzlər digər ölkələr üçün çox yaxşı nümunədir. Bu, çox yaxşı yanaşmadır. “Korrupsiyaya qarşı preventiv tədbirlər sahəsində Azərbaycanın brendinə çevrilmiş “ASAN xidmət”in nümunəsinin həm regiondakı digər ölkələrdə tətbiqinin, həm də OECD-nin Şərqi Avropa və Mərkəzi Asiya üçün Antikorrupsiya Şəbəkəsinin üzvü olan ölkələr arasında da təşviqinin faydalı olacağını düşünürəm. Bu, korrupsiya ilə mübarizəyə qarşı çox səmərəli yoldur və belə mərkəzlər mühüm rola malikdir. İnanıram ki, bu təcrübənizi digər ölkələrlə bölüşməyə davam edəcəksiniz”, - deyə o qeyd edib.

Qonaq oktyabrın 25-dən 27-dək Bakıda İqtisadi Əməkdaşlıq və İnkişaf Təşkilatının Şərqi Avropa və Mərkəzi Asiya üçün Antikorrupsiya Şəbəkəsinin Hüquq Mühafizə Orqanları Şəbəkəsinin 8-ci görüşünün yüksək səviyyədə təşkilinə görə minnətdarlığını bildirib.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!