“ASAN xidmət” və onun “ASAN ödəniş”, “ASAN Məktub” və “ASAN Kadr” layihələri qabaqcıl təcrübələr kimi Birləşmiş Millətlər Təşkilatının "Cənub-Cənub Əməkdaşlığı çərçivəsində Qabaqcıl Mexanizmlər və Həllər" adlı portalına daxil edilib. Belə ki, indiyə qədər portalda ümumilikdə Azərbaycandan 15 təcrübə yerləşdirilib və onlardan 4-ü “ASAN xidmət”ə məxsusdur.
Portalın məqsədi dünyanın bir sıra regionlarında müxtəlif sahələrdə mövcud olan qabaqcıl təcrübələr barədə analitik və praktiki məlumatlara vahid çıxışı təmin etmək və bu təcrübələrin digər ölkələr tərəfindən tətbiqini təşviq etməkdir.
Qeyd edək ki, “ASAN xidmət” və onun layihələri barədə portalda yerləşdirilmiş məlumatlarla aşağıdakı linklərə keçid etməklə tanış olmaq olar:
1. “ASAN xidmət” http://southsouthworld.org/solution/view?id=273
2. “ASAN Kadr” http://southsouthworld.org/solution/view?id=274
3. “ASAN ödəniş” http://southsouthworld.org/solution/view?id=276
4. “ASAN Məktub” http://southsouthworld.org/solution/view?id=279
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!