13/12/2017 07:36

Valyuta USD EUR RUB TRY
Kurs 1.7001 2.0181 0.0289 0.4327


ASAN xəbər

Aİ Azərbaycanda yaşıl limanın inkişafına kömək edir


17.11.2017   14:40


Azərbaycan paytaxtı Bakıda 21-22 noyabr tarixində keçiriləcək seminar yaşıl və ağıllı limanın inkişafına dair yeni təşəbbüslərə həsr olunacaq. Avropa Komissiyasının texniki dəstək və informasiya mübadiləsi alətinin (TAİEX) təşkil etdiyi tədbir zamanı həmçinin yaşıl mədəniyyətin təşviqi və yaşıl logistika zəncirinin dayanıqlığı müzakirə olunacaq. 

Aİ-dən ASAN Radioya bildirilib ki, tədbirdə Azərbaycan hökuməti, nəqliyyat və logistika şirkətlərinin nümayəndələri, eləcə də ətraf mühitin qorunması ilə məşğul olan təşkilatlar və QHT-lər iştirak edəcəklər. 

Seminarı aparacaq TAİEX mütəxəssisləri Aİ-nin aşağıda qeyd olunan təşkilatları və institutlarını təmsil edirlər: Avropa Dəniz Limanları Təşkilatı, Aralıq Dənizi Cəmiyyətlərini öyrənən İnstitut, Dunay Dəniz Limanlarının Administrasiyası və Kataloniyanın Politexnik Universiteti.  

TAİEX-in verdiyi məlumata görə, bu seminar Bakı Limanının daha yaşıl quruma çevrilməsi istiqamətində atılan ilk addımlardan biridir. 

TAİEX, tələblərə yönəlmiş alət kimi, Aİ ilə imzalanmış əməkdaşlıq və ya assosiasiya sazişləri çərçivəsində milli qanunvericiliyi, normativ-hüquqi aktları və standartları Aİ-nin üzv dövlətlərində olanlara adaptasiya etmək üçün tərəfdaş ölkələri dəstəkləyir. Şərq qonşuluğu ölkələrində TAİEX Azərbaycan, Belarus, Ermənistan, Gürcüstan, Moldova və Ukrayna ilə əməkdaşlıq edir.

 




Xəbər lenti

12 Dekabr











ASAN Radio telefonunuzda
Facebook