USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Novruz Məmmədov: Azərbaycan gələcəkdə ABŞ ilə parlaq əməkdaşlığa ümid edir 

Azərbaycan gələcəkdə Amerika Birləşmiş Ştatları (ABŞ) ilə parlaq əməkdaşlığa ümid edir.

ASAN Radionun məlumatına görə, bunu Azərbaycan Prezidentinin xarici siyasət məsələləri üzrə köməkçisi - şöbə müdiri Novruz Məmmədov "Vaşinqton Tayms" qəzetində dərc olunmuş məqaləsində deyib.

N.Məmmədov bildirib ki, Azərbaycan artıq uzun müddətdir ABŞ-ın tərəfdaşıdır.

Prezident köməkçisi vurğulayıb: "Müstəqilliyimizi əldə etdiyimiz andan 26 il ərzində Azərbaycan ABŞ ilə dostluq münasibətlərinə cəhd edib".

N.Məmmədov qeyd edib ki, ikitərəfli münasibətlər qarşılıqlı hörmət və bir sıra əsas faydalı sahələrin üzərində möhkəmlənib.

O, Azərbaycanın NATO-nun Əfqanıstandakı missiyasına töhfəsinə toxunaraq bildirib: "Tramp administrasiyası Əfqanıstanı "əl-Qaidə"dən təmizləmək üçün son zərbəni hazırladığı müddətdə Azərbaycan ABŞ-ın, eləcə də Əfqanıstanın yanındadır".

N.Məmmədov bildirib ki, Azərbaycan dünya neft-qaz bazarlarında çox mühüm tərəfdaşdır: "Bu gün Azərbaycan nefti və qazının ixracı Qərbin enerji təhlükəsizliyində həlledici rol oynayır. Biz ABŞ-ın "Cənub Qaz Dəhlizi"nə dəstəyini yüksək qiymətləndiririk".

Prezidentin köməkçisi deyib ki, Azərbaycan hər zaman modernləşməyə və ABŞ ilə davamlı tərəfdaşlığını möhkəmləndirməyə doğru irəliləyir:

"Azərbaycanın Şərqlə Qərbin kəsişməsində əlverişli mövqeyi ölkəyə beynəlxalq və regional daşıma və ticarəti asanlaşdırmağa imkan verir".

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!