Bakı-Tbilisi-Qars dəmir yolu ilə Türkiyədən Azərbaycana yola salınan ilk qatar artıq Bakıya çatıb.
“ADY Konteyner” MMC-dən ASAN Radioya bildirilib ki, 32 konteynerdən ibarət blok qatarı Mersindən Bakıya qədər olan məsafəni 4 günə qət edib. Konteynerlərdən 30-u Azərbaycan üçün nəzərdə tutulmuş yüklərdən ibarətdir. İki konteyner isə yoluna davam edərək Çinə yola salınacaq.
Qeyd edək ki, BTQ ilə hərəkət edən ilk qatar Qazaxıstanın Kokşetau stansiyasından oktyabrın 24–də yola çıxıb. Qazaxıstandan yola salınan 2–ci qatar isə artıq Gürcüstana çatıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!