Kiyevdə hüquq-mühafizə orqanları Gürcüstanın sabiq Prezidenti Mixeil Saakaşvilini yaşadığı binanın damında saxlayıb.

Bu barədə M.Saakaşvilinin tərəfdaşları bildirib.

Qeyd edək ki, bir müddət əvvəl polis Gürcüstanın sabiq Prezidenti, Ukraynanın Odessa vilayətinin keçmiş qubernatoru M.Saakaşvilinin Kiyevdə Kostelnaya, 7 ünvanındakı 32 nömrəli mənzilində axtarış aparıb. M.Saakaşvili isə yaşadığı binanın damına çıxaraq polisi intihar edəcəyi ilə hədələyib.

***

Gürcüstanın keçmiş prezidenti, Ukraynada Yeni Qüvvələrin Hərəkatı Partiyasının lideri Mixail Saakaşvili onun evini axtarışa gələn polislərə etiraz olaraq, yaşadığı binanın damına çıxıb və özünü atacağını bildirib.

ASAN Radionun məlumatına görə, bu barədə Ukraynanın “1+1” telekanalı xəbər yayıb. Bildirilir ki, hazırda M. Saakaşvili binanın damındadır və hüquq-mühafizə orqanları əməkdaşları ilə danışıqlar aparır. Siyasətçi bildirir ki, ona toxunsalar, özünü atacaq. Hadisə yerinə xilasedicilər və həkimlər gəlib.

Onun tərəfdaşı David Sakvaralidze bu gün səhər bəyan edib ki, naməlum şəxslər Saakaşvilinin yaşadığı mənzildə axtarış aparmağa cəhd edirlər.