12/12/2017 08:31

Valyuta USD EUR RUB TRY
Kurs 1.7001 2.0181 0.0289 0.4327


Dövlət xidmətləri

Azərbaycanın “ASAN xidmət” modeli Monteneqro mətbuatının diqqətində


05.12.2017   14:18


Dekabrın 3-4-də Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti Monteneqroda səfərdə olub. Səfərin məqsədi Azərbaycan Respublikasının Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Monteneqronun Dövlət İdarəçiliyi Nazirliyi arasında dövlət xidmətlərinin göstərilməsinin mütərəqqi mexanizminin yaradılmasına dair əməkdaşlıq haqqında Anlaşma Memorandumunun imzalanması və müvafiq sahədə qarşılıqlı fəaliyyətin təfsilatlarının müzakirə edilməsi idi.

ASAN Radio xəbər verir ki, Dövlət Agentliyinin nümayəndə heyətinin səfəri və imzalanmış Anlaşma Memorandumu Monteneqro mətbuatında geniş işıqlandırılıb.

Belə ki, portalanalitika.me, predsjpol.gov.me, pinkm.me, mecdm.mestandard.co.me və digər mətbuat orqanlarında dərc olunun məqalələrdə “ASAN xidmət”in Azərbaycan Prezidenti İlham Əliyevin təşəbbüsü ilə dövlət idarəetməsi sahəsində ölkədə aparılan islahatlar çərçivəsində təsis edildiyi vurğulanıb. Azərbaycanın bu brendinin BMT-nin Dövlət Xidmətləri Mükafatının qalibi olaraq dünyada bu sahədə ən qabaqcıl mexanizm kimi tanındığı bildirilib.

Qeyd olunub ki, paytaxt Bakıda və Azərbaycanın müxtəlif bölgələrində yerləşən “ASAN xidmət” mərkəzlərində vətəndaşlara dövlət və özəl qurumlar tərəfindən 250-dan çox xidmət göstərilir.

Monteneqro mətbuatında dünya standartlarına cavab verən “ASAN xidmət” mərkəzlərin fəaliyyəti barədə məlumat verilərək, bu Mərkəzlərdə insanlara operativ və rahat formada və müasir texnologiyalar və innovasiyalar tətbiq edilməklə xidmət göstərildiyi, bunun da öz növbəsində vətəndaşlara xidmət sektorunda şəffaflığın təmin edilməsi və korrupsiyanın qarşısının alınmasında mühüm rol oynadığı qeyd olunub.

1. https://m.cdm.me/drustvo/sva-dokumenta-na-jednom-mjestu-dostupna-podgoricanima-za-dvije-godine/

2. http://www.predsjpol.gov.me/potpredsjednik

3. http://www.mju.gov.me/vijesti/179203/Potpisan-Memorandum-o-razumijevanju-izmedu-Ministarstva-javne-uprave-i-Drzavne-agencije-za-javne-usluge-i-socijalne-inovacije-AS.html

4. http://www.pinkm.me/glavne/crna-gora-i-azerbejdzan-jacaju-saradnju-u-oblasti-javnih-usluga/

5. http://standard.co.me/index.php/drustvo/item/4813-potpisan-memorandum-o-razumijevanju-ministarstva-javne-uprave-i-drzavne-agencije-za-javne-usluge-i-socijalne-inovacije

6. http://m.portalanalitika.me/clanak/287991/potpisan-memorandum-o-razumijevanju-izmedu-ministarstva-javne-uprave-i-drzavne-agencije-za-javne-usluge-republike-azerbejdzan 




Xəbər lenti

12 Dekabr
11 Dekabr











ASAN Radio telefonunuzda
Facebook