Azərbaycan Respublikasının Dini Qurumlarla İş Üzrə Dövlət Komitəsində “İslam həmrəyliyi -2017 uğurlar və perspektivlər” adlı konfrans keçirilib.
Konfransda Dini Qurumlarla İş Üzrə Dövlət Komitəsi, Bakı Dövlət Universitetinin İlahiyyat fakültəsinin rəhbərliyi, fakültənin müəllim-tələbə heyyəti, eləcə də dini sahədə fəaliyyət göstərən ekspertlər və ictimaiyyət nümayəndələri iştirak ediblər.
Komitənin sədr müavini Gündüz İsmayılov tədbirin İslam Həmrəylik ilinin yekunlarına həsr olunduğunu qeyd edərək, konfransın məqsədindən danışıb.
Gündüz İsmayılov vurğulayıb ki, İslam Həmrəylik ili çərçivəsində bu ilin sonunda Azərbaycan Dini Qurumlarla İş üzrə Dövlət Komitəsi ilə Qafqaz Müsəlmanları İdarəsinin birgə təşkilatçılığı ilə böyük konfrans keçiriləcək.
Konfransda ənənəvi dini və milli-mənəvi dəyərlərimizin qorunub-saxlanılması və təşviqi, ölkəmizin İslam Həmrəyliyinin əldə edilməsində oynadığı mühüm rol və təsir, eləcə də bu sahələrdə əldə edilmiş nailiyyətlər, qarşıya çıxan əsas problemlər və növbəti illər üçün əsas hədəflər müzakirə edilib.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!