Azərbaycanın İsveçrədəki səfirliyində ümummilli lider Heydər Əliyevin anım mərasimi keçirilib.
Səfirlikdən ASAN Radioya verilən məlumata görə, mərasimə toplaşanlar ulu öndərin səfirlikdəki büstü önünə əklil qoyduqdan sonra, onun xatirəsi bir dəqiqəlik sükutla yad edilib.
Daha sonra səfir Xanım İbrahimova tədbirə qatılanlar önündə ulu öndər Heydər Əliyevin həyat yolu, Azərbaycan dövləti və dövlətçiliyinin möhkəmlənməsində, iqtisadiyyatının inkişafında, “Azərbaycançılıq” fəlsəfəsinin bərqərar olmasında, Azərbaycanın dünya dövlətləri arasında layiqli yer tutmasında, o cümlədən diplomatiyamızın inkişafında xidmətlərindən danışıb. Səfir ümummilli lider Heydər Əliyevin başladığı yolun layiqli davamçısı olan Azərbaycan Prezidenti İlham Əliyevin xidmətlərindən də ətraflı bəhs edərək, dövlət başçısının rəhbərliyi altında Azərbaycanın milli mənafelərinin dünya səhnəsində uğurla təmin edildiyini vurğulayıb.
Bunun ardınca, tədbir iştirakçıları “Əbədiyyət” filmini seyr ediblər.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!