YENİLİKLƏR
Dünya Azərbaycanlılarının Həmrəyliyi Günü və Yeni il bayramı ərəfəsində “ASAN məktub” layihəsi çərçivəsində Zaqatala rayonunda aztəminatlı ailələrdən olan 64 uşağın istək və arzusu reallaşıb.
ASAN Radio AZƏRTAC-a istinadən xəbər verir ki, dekabrın 28-də Zaqatala Uşaq və Ailələrə Dəstək Mərkəzində Ailə, Qadın və Uşaq Problemləri üzrə Dövlət Komitəsinin və “ASAN könüllüləri” təşkilatının dəstəyi ilə uşaqların arzuladıqları hədiyyələr onlara çatdırılıb.
Xatırladaq ki, 2015-ci ildən etibarən reallaşan bu layihənin əsas məqsədi həssas qruplara aid uşaqlara sevinc bəxş etmək, ümumilikdə sosial məsuliyyət, eləcə də cəmiyyətdə uşaqlara qayğı hissini daha da artırmaqdır. Layihə çərçivəsində sosial qayğıya ehtiyacı olan uşaqlar məktubla internet vasitəsilə öz istək və arzularını bildirirlər. Onların yazdıqları məktublara xeyirxah insanlar tərəfindən münasibət bildirilir və uşaqlar arzuladıqları hədiyyələri əldə edirlər.
XƏBƏR LENTİ
İyun 06,2023 13:43Fevral 17,2023 11:00Fevral 16,2023 14:07Fevral 16,2023 13:58Yanvar 30,2023 17:44Yanvar 23,2023 14:53Yanvar 18,2023 17:19Yanvar 13,2023 14:41“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
