YENİLİKLƏR
175 nömrəli marşrut xətti üzrə “BakuBus” avtobusları fəaliyyətə başlayıb.
ASAN Radioya bu barədə “BakuBus” MMC-nin mətbuat xidmətinin rəhbəri Mənsur Piriyev deyib.
O bildirib ki, yanvarın 13-dən 175 nömrəli marşrut xətti üzrə “BakuBus” MMC-nin avtobusları sərnişinlərə xidmət göstərir. Avtobuslar Elman Qasımov küçəsindən “Səməd Vurğun” bağına, eləcə də əks istiqamətdə hərəkət edirlər.
M.Piriyevin sözlərinə görə, sərnişinlərlə ünsiyyət zamanı onlar yeni avtobusların istifadəyə verilməsi ilə bağlı məmnunluqlarını ifadə ediblər.
Qeyd edək ki, yanvarın 6-da saat 17 radələrində paytaxtın Xətai rayonu ərazisində Zığ şosesində 175 nömrəli marşrut xətti üzrə hərəkət edən “Daewoo” markalı, “99 XM 581” dövlət qeydiyyat nişanlı sərnişin avtobusu idarəetməni itirərək yoldan kənara çıxıb dərəyə aşıb. Qəza nəticəsində 20 şəxs müxtəlif dərəcəli bədən xəsarətləri alıb. 175 nömrəli marşrut xətti üzrə daşıyıcının ciddi nöqsanlara yol verməsi səbəbindən Bakı Nəqliyyat Agentliyi müvəqqəti istismara dair müqaviləyə xitam verib. Marşrut xətti “BakuBus” MMC-yə həvalə olunub.
XƏBƏR LENTİ
İyun 06,2023 13:43Fevral 17,2023 11:00Fevral 16,2023 14:07Fevral 16,2023 13:58Yanvar 30,2023 17:44Yanvar 23,2023 14:53Yanvar 18,2023 17:19Yanvar 13,2023 14:41“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!
