USD - 1.7 EUR - 1.9369 RUB - 0.0256 TRY - 0.3176 DAHA ÇOX
SON DƏQİQƏ
Böyüklər qızılca-məxmərəyə qarşı peyvənd ediləcək Sutka ərzində atəşkəs rejimi 20 dəfə pozulub Nextsale və Whelp startaplarına investisiyalar verilib Dövlət Agentliyinin nümayəndə heyəti Özbəkistan Respublikasına səfər edib İstirahət günlərində gözlənilən hava proqnozu
“ADA” Universiteti Tələbə Cəmiyyəti "Qara Yanvar" hadisələrini ədəbi-bədii gecə ilə andı

“ADA” Universitetinin Tələbə Cəmiyyəti ali təhsil ocağında “Qara Yanvar” hadisələrinin 28ci ildönümünə həsr edilmiş ədəbi-bədii gecə təşkil etdi. ASAN Radio xəbər verir ki, Universitetin Musiqi Zalında keçirilən gecədə İctimai və Beynəlxalq münasibətlər fakültəsinin baş müəllimi Azər Babayev çıxış edərək tarixi hadisələrin siyasi baxımdan təhlilini verdi. O, vurğuladı ki, 20 yanvar hadisələri dünya siyasi elmlər dairələrində Sovet hakimiyyətinin tək Azərbaycanda sonu deyil, ümumiyyətlə sonu kimi dəyərləndirilir. Azərbaycanda o müthiş gecədə dinc əhaliyə qarşı xüsusi qəddarlıq və hədsiz zorakılığın istifadə olunması diktatura rejiminin son günlərindən xəbər verirdi. Azər Babayev gənc nəsli bu faciəvi, lakin şanlı tariximizdən düzgün dərslər çıxarmağa, müstəqilliyimizin qorunub möhkəmlənməsi üçün əllərindən gələni əsrigəməməyə çağırdı. 

Gecədə həmçinin Azərbaycan Yazıçılar Birliyinin üzvü Rafiq Savalan çıxış etdi. Publisist tələbələrlə Qara Yanvar hadisələri ərəfəsində Bakıda formalaşan mühit, Sovet əsgərlərinin hakimiyyətin ictimaiyyətlə əlaqəsini kəsmək məqsədi ilə o dövrdə yeganə telekanal olan Azərbaycan Televiziyasının enerji blokunu partlatması, hadisələrdən dərhal sonra Azərbaycan SSR-i Ali Sovetində  keçirilən gərgin müzakirələr və ölkə ziyalılarının dünya mediası ilə əlaqə yaratmaq cəhdləri, özü də daxil olmaqla Sovet əsgərlərinə hər hansı şəkildə müqavimət göstərməyə çalışanların Moskva tərəfindən cəzalandırılaraq həbsə atılması barədə xatirələri ilə bölüşdü.

ADA Universitetinin tələbələri Ülkər Əkbərova və Çinar Sahlikbəyli gecədə “Çırpınırdı Qara Dəniz”, “Cənab Leytenant” və milli azadlıq və Vətən uğrunda mübarizə mövzusunda  yazılan digər musiqi parçalarını ifa etdilər.

Ədəbi-bədii gecə Qara Yanvar şəhildlərinin ruhunun bir dəqiqəlik sükutla yad edilməsi ilə bitdi. 

 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio