20/05/2018 22:03

Valyuta USD EUR RUB TRY
Kurs 1.7000 2.0069 0.0273 0.3806


Dövlət xidmətləri

Yaponiyanın Azərbaycandakı səfiri “ASAN xidmət”dən yazdı


23.01.2018   17:18


“Azərbaycanda “ASAN xidmət” adlı sistem qurulub və bu sistem ölkədə elektron hökumətin özəyi funksiyasını həyata keçirir”. Bu fikirləri Yaponiyanın Azərbaycandakı fövqəladə və səlahiyyətli səfiri Teruyuki Katori öz şəxsi bloqunda bölüşüb.

Səfir bildirib ki, bir çox inkişaf etmiş ölkələrdə belə sistemlərə rast gəlinir, amma Azərbaycanda “ASAN xidmət” vasitəsilə insanlar yalnız şəxsiyyət vəsiqəsini təqdim etməklə 240-dan çox xidmətdən yararlanır.   

“ASAN xidmət” mərkəzini ziyarət edən səfir gördüklərindən təəccübləndiyini gizlətməyib və diqqətini cəlb edən bəzi məqamları izləyiciləri ilə paylaşıb. O, qeyd edib ki, mərkəzdə gördüyü əhali sayı, həqiqətən də bu xidmətin məmnunluğundan xəbər verir: “Mərkəzdə yaradılan pəncərə sistemi, şəffaflığın qorunması, ünsiyyət zamanı yüksək mədəniyyətin nümayişi, keyfiyyətli  xidmət  əhali  coxluğunun səbəbini izah edir. Bu onu göstərir ki, insanlar bu xidməti dəstəkləyir və ondan razıdır”. 

Səfir qeyd edir ki, inkişaf etmiş qabaqcıl ölkələrdən biri olan Yaponiyada müqayisə üçün nümunə axtardım, lakin öz ölkəmdə bu səylər yenicə başlayıb və tam gücü ilə işə düşməyib. Həmçinin yazıda “ASAN xidmət” dünyada mövcud olan bir çox nəhəng sistemlərlə müqayisə edilir. 

Son olaraq, ölkə Prezidenti İlham Əliyevin yüksək etimadı ilə yaradılan, BMT-nin Dövlət Xidmətləri Mükafatına layiq görülən “ASAN xidmət”lə Azərbaycanın fəxr etdiyini qeyd edir. O, gələcək paylaşımlarında mövzunu davam etdirəcəyini də bildirir. 




Xəbər lenti

19 May
18 May













ASAN Radio telefonunuzda
Facebook