USD - 1.7 EUR - 1.9369 RUB - 0.0256 TRY - 0.3176 DAHA ÇOX
SON DƏQİQƏ
20 yanvar “ASAN xidmət” və “ASAN Kommunal” mərkəzlərində qeyri-iş günü olacaq Böyüklər qızılca-məxmərəyə qarşı peyvənd ediləcək Sutka ərzində atəşkəs rejimi 20 dəfə pozulub Nextsale və Whelp startaplarına investisiyalar verilib Dövlət Agentliyinin nümayəndə heyəti Özbəkistan Respublikasına səfər edib
Qurban Qurbanovun milli komandada ilk sınağı

Milli komandamız bu gün Moldova yığması ilə hazırlıq oyununda qarşılaşacaq. ASAN Radionun məlumatına görə, komandamızın Antalyadakı təlim-məşq toplanışı çərçivəsində baş tutacaq oyun Qurban Qurbanovun əsas komandamızın baş məşqçisi postunda ilk sınağı olacaq.

46 yaşlı mütəxəssis vaxtilə futbolçu kimi şərəfini qoruduğu komandanı ilk matça çıxaracaq. Eyni zamanda “Qarabağ”ı çalışdıran Qurbanov ən yaxşı bombardiri olduğu millidə fəaliyyətini qələbə ilə başlamağa iddialıdı.

Eyni zamanda yığmamız bu oyunla yeni futbol ilinə start vermiş olacaq. Bu ilə Antalyada start verəcək komandamızın rəqibi olan Moldova isə artıq 1 matça çıxıb. Onlar yanvarın 27-də Cənubi Koreya ilə qarşılaşıb. 0:1 hesabı ilə uduzan rəqibimiz ilk qol və ilk uğur üçün yığmamızı büdrətməyə çalışacaq. Çünki onlar da yeni baş məşqçi Aleksandr Spiridonun rəhbərliyi altında ilk toplanışa yollanıb və onun debütündə uduzub.

Yeri gəlmişkən, Azərbaycan və Moldova 10-cu dəfə üz-üzə gələcək. Yubiley duelinədək 2 qələbə qazanıb, 4 heç-heçə edib, 3 dəfə uduzan komandamız tarazlıq yaratmaq arzusundadı. Top fərqində (6:8) geridə olan yığmamızın baş məşqçisi Qurbanov da vaxtilə rəqib qapısına qol vurmağı bacarıb. O, 2004-cü il martın 31-də Kişinyovdakı qarşılaşmada (1:2) fərqlənib.

Son matçını ötən il oktyabrın 8-də səfərdə Almaniyaya qarşı keçirən komandamız 3 aydan artıq vaxtdan sonra meydana çıxacaq. Millimiz 114 gündən sonra növbəti sınaq qarşısındadı.

 

Yoldaşlıq oyunu

30 yanvar

20:00. Azərbaycan – Moldova

“Mardan” stadionu

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio