6 fevral 2018-ci il tarixində Dövlət Musiqili Teatrında 5 saylı Bakı “ASAN xidmət” mərkəzinin könüllülərindən ibarət teatr truppası Tamara Vəliyevanın müəllifi olduğu “Bankir Adaxlı” əsərini səhnələşdirib.
“ASAN xidmət” mərkəzinin əməkdaşı Könül Hüseynlinin quruluş verdiyi tamaşada 15 könüllü rol alıb.
Komik situasiyalarla zəngin və dinamik süjet xəttinə malik olan səhnə əsəri məişət gündəliyini əks etdirir. Əsərdə 30 yaşına çatmış iki qızının ailə həyatı qurması üçün əlindən gələni edən, qızıl satışı ilə məşğul olan Nisənin həyatı nümayiş olunur.
Qeyd edək ki, “ASAN Könüllüləri” tərəfindən teatr səhnəsində mütəmadi olaraq müxtəlif tamaşalar reallaşdırılır.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!