USD - 1.7 EUR - 1.9322 RUB - 0.0256 TRY - 0.3173 DAHA ÇOX
SON DƏQİQƏ
Tamerlan Qarayev Azərbaycanın Litvada səfiri təyin edilib Azərbaycan Rusiyaya qəza ilə əlaqədar elektrik enerjisi ötürüb Elmar Məmmədyarov moldovalı həmkarı ilə görüşüb Bolqarıstanın xarici işlər nazirinin müavini Azərbaycana səfər edəcək Prezident İlham Əliyev keniyalı həmkarını təbrik edib
UEFA Çempionlar Liqası: “Real Madrid” doğma meydanda PSJ-ni məğlub edib

UEFA Çempionlar Liqasının səkkizdəbir final mərhələsində növbəti oyunlar keçirilib.

ASAN Radio xəbər verir ki, turnirin son qalibi “Real Madrid” doğma meydanda PSJ-ni qəbul edib. Gərgin idman mübarizəsi şəraitində keçən matçın 33-cü dəqiqəsində qonaqlar hesabı açıblar. Adrien Rabo Neymarın ötürməsini qapı toruna qovuşdurub. İlk hissənin 45-ci dəqiqəsində “Real” hesabı bərabərləşdirə bilib. PSJ-nin qapısına təyin olunmuş 11 metrlik cərimə zərbəsini Kriştiano Ronaldo dəqiq yerinə yetirib -1:1. Birinci hissə bu hesabla yekunlaşıb.

Fasilədən sonra meydan sahibləri hesabda önə çıxa biliblər. Oyunun 83-cü dəqiqəsində K.Ronaldo dublunu rəsmiləşdirib. Bu qoldan üç dəqiqə sonra Marselo hesab arasındakı fərqi iki topa çatdırıb.

Beləliklə, matç meydan sahiblərinin 3:1 hesablı qələbəsi ilə yekunlaşıb.

Günün digər görüşü isə “Liverpul”un səfərdə “Porto”nun qonağı olmasıdır. Oyunun 25-ci dəqiqəsində qonaqlar Sadio Manenin qolu ilə hesabı açıblar. Bu qoldan dörd dəqiqə sonra Mohamed Salah ikinci qolu meydan sahiblərinin qapısından keçirib. Komandalar fasiləyə bu hesabla yollanıblar.

İkinci hissədə “Liverpul” hesab arasındakı fərqi üç topa çatdırıb. Matçın 53-cü dəqiqəsində S.Mane dubl edib. Oyunun 70-ci dəqiqəsində Roberto Firmino meydan sahiblərini dördüncü dəfə meydanın mərkəzinə dəvət edib - 0:4. İkinci hissənin sonlarında S.Mane yenidən diqqət mərkəzində olub. O, görüşün 85-ci dəqiqəsində özünün üçüncü komandasının beşinci qoluna imza atıb. Matç 0:5 hesabı ilə başa çatıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio