Masallı “ASAN həyat” kompleksində Novruz şənliyi keçirilib.
“ASAN xidmət” və Park Cinemanın birgə təşkilatçılığı, ASAN Radio və Xəzər TV-nin informasiya dəstəyi ilə təşkil olunan şənlik yerli sakinlərə əsl bayram əhval-ruhiyyəsi yaşadıb.
“ASAN həyat şənliyi” şüarı ilə baş tutan konsert proqramında məşhur sənətçilər səhnədə bir – birindən möhtəşəm mahnılarını ifa ediblər. Tanınmışların arasında müğənnilər - Emil Bədəlov, Yaşar Cəlilov, Nazim Məmmədov, Zemfira İbrahimova, "Nənələr" qrupu, bölgə solistləri, DJ-lər, aktyorlar - Fərda Amin, Müşfiq Şahverdiyev, Novruz personajları - Kosa, Keçəl, Bahar qız bayrama rəng qatıblar.
Bayram proqramı çərçivəsində məşhur aktyorların imza günü və film təqdimatı baş tutub.
Konsert tədbirinin təşkilində göstərdiyi dəstəyə görə Masallı rayon icra hakimiyyətinə təşəkkür edirik.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!