Azərbaycanda ilk dəfə bu il 1 İyun uşaqların beynəlxalq müdafiəsi günü, "Azerbaijan Golden Kids Awards 2018" uşaq nominasiyaları üzrə mükafatlandırma mərasimi baş tutacaq.
ASAN Radionun məlumatına görə, Azərbaycan Xalq Cümhuriyyətinin 100 illik yubileyi münasibəti ilə ilk dəfə reallaşacaq böyük layihədə 3 yaşdan 15 yaşadək uşaqlar iştirak edə bilərlər. Bu günədək müxtəlif kreativ uşaq layihələrini reallaşdıran təşkilatçılar aşağıdakı nominasiyalar üzrə qalibləri mükafatlandıracaqlar:
Ən yaxşı rəssam
Ən yaxşı vokal ifaçı
Ən yaxşı pop ifaçı
Ən yaxşı pop qrup
Ən yaxşı model
Ən yaxşı pianoçu
Ən yaxşı skripka ifaçısı
Ən yaxşı xor
Ən yaxşı rəqqas
Ən yaxşı rəqs ansamblı
Ən yaxşı aktyor
Ən yaxşı aparıcı
Ən yaxşı şahmatçı
Ən yaxşı idmançı
Ən yaxşı gimnast
Layihə rəhbəri qeyd edib ki, gizli ekspertlər tərəfindən seçilən üç (3) nominantın tanıtım posterləri sosial şəbəkələrdə və mediada aprel və may ayları ərzində yayılacaq.
Layihənin əsas tədbiri, təntənəli Qala gecəsi Nizami Kino Mərkəzində baş tutacaq. Qala gecəsində qaliblər nominasiyalar üzrə mükafatlandırılacaq. Digər iştirakçılar isə fərqlənmə diplomları ilə təltif olunacaq.
Layihədə iştirak etmək istəyənlər CV, fotoşəkil və video çarxlarını [email protected] ünvanına göndərə bilərlər.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!