USD - 1.7 EUR - 1.9288 RUB - 0.0264 TRY - 0.311 DAHA ÇOX
SON DƏQİQƏ
Azərbaycan və İran dövlət sərhədində Novruz belə qeyd edildi - FOTOLAR Sabah hava necə olacaq? Avtovağzallarda gücləndirilmiş iş rejiminin müddəti artırılıb Quba-Xınalıq yolu  bağlandı - qar uçqunlarına görə Birinci vitse-prezident Mehriban Əliyeva Dariqa Nazarbayevanı təbrik edib
 “ASAN İnkişaf Modeli – AİM” proqramına start verilib

“ASAN Könüllüləri” Təşkilatı və “AccessBank”ın təşkilatçılığı, Azərbaycan Respublikasının Təhsil Nazirliyinin dəstəyi ilə “ASAN İnkişaf Modeli – AİM” proqramına start verilib. Bu barədə ASAN Radioya ASAN Könüllüləri təşkilatından bildirilib.

İlkin olaraq Sabirabad və Şirvan şəhərində baş tutan proqramda 1000-dən çox məktəbli iştirak edib.

Proqram çərçivəsində prioritet ixtisaslar, özünü inkişaf, psixoloji mövzularda müxtəlif təlim və praktiki məşğələlər keçirilib, iştirakçıları maraqlandıran suallar cavablandırılıb. 

Qeyd edək ki,  “AİM”  sosial proqramının əsas məqsədi regionlarda təhsil alan  şagirdlərin tənqidi və tətbiqi düşünmək bacarıqlarını, o cümlədən yaradıcı, məntiqi təfəkkürü inkişaf etdirməkdir.  Həmçinin, AİM layihəsi müasir və innovativ texnoloji yeniliklər, sosial şəbəkələrdən faydalı istifadə, bu istiqamətdə şagirdlərin inkişafı, dünya trendlərinə düzgün qoşulma  mövzularını əhatə edəcək.

 Sabirabad və Şirvan şəhərlərindən start götürmüş bu  proqram ölkəmizin müxtəlif bölgələrində 9-11-ci sinif şagirdlərini əhatə etməklə bir neçə hissəli təlim-seminarlar şəklində təşkil olunacaq. Görüşlərdə iştirakçılara müasir təhsilin predmetləri, vacib mütəxəssis keyfiyyətləri, həyat seçimləri ilə bağlı psixoloji hazırlıq mövzuları barədə məlumat veriləcək. 

 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio