USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
Rusiya mediası İlham Əliyevin prezident seçkilərində qələbəsini geniş işıqlandırıb

Rusiyanın aparıcı mətbuat orqanları və televiziya kanalları İlham Əliyevin prezident seçkilərində inamlı qələbə qazanmasını geniş işıqlandırıb.

 

ASAN Radio xəbər verir ki, “Nezavisimaya qazeta” seçkilər günü Azərbaycan Mərkəzi Seçki Komissiyası hazırkı Prezident İlham Əliyevin böyük səs çoxluğu ilə irəlidə getməsi barədə informasiyalar yayıb. Qəzet yazır ki, hələlik seçkilərin son nəticələri barədə rəsmi məlumat açıqlanmasa da, İlham Əliyevin inamlı qələbəsi heç kimdə şübhə doğurmur.

 

Rusiya Elmlər Akademiyası İqtisadiyyat İnstitutunun elmi işçisi Aleksandr Karavayev qəzetə müsahibəsində bildirib ki, Moskva Azərbaycanda sabitliyin olmasında maraqlıdır. İki ölkə aqrar, energetika, nəqliyyat sahələrində uğurlu əməkdaşlıq edir, perspektivli sənaye layihələri həyata keçirilməyi planlaşdırır. Bundan əlavə, politoloq Azərbaycanın radikal dini cərəyanlar və “rəngli inqilablar”la mübarizədə Rusiyanın mühüm müttəfiqi olduğunu da nəzərdən qaçırmır. “Bu cür müttəfiqləri itirmək olmaz”, - deyə A.Karavayev qeyd edib.

 

Rusiyanın Birinci televiziya kanalı Azərbaycanda prezident seçilərindən hazırladığı süjetdə hazırkı Prezident İlham Əlyevin böyük səs çoxluğu ilə qələbəsindən və xalqa müraciətindən söhbət açır. Süjetdə seçki məntəqələri bağlandıqdan sonra Bakı sakinlərinin İlham Əliyevin qələbəsini böyük coşqu ilə bayram etməsindən danışılır. Birinci kanalın müxbiri vurğulayıb ki, seçki məntəqələrində bülletenlərin hesablanması müşahidəçilərin nəzarəti altında aparılıb. Səsəvermənin gedişi xüsusi veb-kameralar vasitəsi ilə MSK-nın saytında yayımlanıb. Beynəlxalq müşahidəçilərin fikrincə, bu, seçkilərin qanun pozuntusu olmadan keçirilməsinə imkan verib.

 

“Mir” telekanalı da seçkilərin ilkin nəticələri elan olunduqdan sonra Azərbaycan paytaxtında hazırkı Prezident İlham Əliyevin qələbəsinin bayram edilməsi barədə süjet yayımlayıb. Süjetdə bildirilir ki, bayram konserti və yürüş atəşfəşanlıqla başa çatıb. Bakı küçələrində öz namizədlərinin qələbəsini qeyd edən sakinlər telekanala müsahibələrində deyiblər ki, Azərbaycan xalqı uzaqgörən və güclü lideri ilə ölkənin qüdrətini yüksəltməkdə davam edəcək. Prezident İlham Əliyev 15 ildə böyük nailiyyətlər qazanıb və əhalinin həyat səviyyəsinin yüksəlməsi üçün əlindən gələni əsirgəmir. Azərbaycan xalqı İlham Əliyevi sevir və dəstəkləyir. İlham Əliyev növbəti prezidentlik müddətinə xalqın böyük etimadı ilə başlayır. Ölkə başçısı ötən dövr ərzində sübut edib ki, respublika inkişaf edə bilər və inkişaf etməlidir.

 

Rusiyanın digər federal telekanalları, o cümlədən “Rossiya 24”, “NTV”, “Beşinci kanal”, habelə TASS, “Ria Novosti” informasiya agentlikləri də Azərbaycanda prezident seçkilərinin gedişini və hazırkı Prezident İlham Əliyevin inamlı qələbəsini geniş işıqlandırıb, Rusiya Prezidenti Vladimir Putinin Azərbaycan liderini təbrik etməsini diqqətə çatdırıblar.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!