Ermənistanın baş naziri Serj Sarkisyan istefa verib.

Serj Sarkisyan Ermənistanın baş naziri vəzifəsindən istefaya getməsi ilə bağlı bəyanat yayıb.

ASAN Radionun APA-ya istinadla verdiyi xəbərə görə, bəyanatda deyilir: “Əziz həmvətənlər. Ermənistan Respublikasının bütün vətəndaşlarına - yaşlı nəslə və gənclərə, qadınlara və kişilərə müraciət edirəm. Gecə-gündüz “Serjdən imtina et!” çağırışı ilə küçələrdə dayananlara və öz borcunu yerinə yetirmək üçün çətinliklə iş yerinə çatanlara müraciət edirəm. Günlərlə canlı efiri izləyənlərə, ictimai təhlükəsizliyi təmin edənlərə müraciət edirəm. Sərhəddəki mərd döyüşçülərə və zabitlərə, öz silah yoldaşlarıma, partiyadaşlarıma, bütün siyasi qüvvələrə və xadimlərə müraciət edirəm.Sonuncu dəfə ölkə rəhbəri kimi müraciət edirəm. Nikol Paşinyan haqlı idi. Mən yanıldım. Yaranmış durumda bir neçə qərar var, lakin onların heç birinə getməyəcəyəm. Bu, mənə görə deyil. Mən ölkə rəhbəri – Ermənistanın baş naziri vəzifəsini tərk edirəm. Mənim baş nazirliyimə qarşı küçə hərəkatına üz tuturam – mən sizin tələbinizi yerinə yetirirəm.Ölkəmizə sülh, harmoniya və məntiq arzulayıram. Təşəkkür edirəm”.

Xatırladaq ki, Sarkisyanın baş nazir seçilməsi əleyhinə etiraz aksiyaları aprelin 13-dən keçirilir. Ermənistanda konistusiya dəyişikliyindən sonra prezidentin səlahiyyələri baş nazirə keçib. Ermənistan parlamentinin qəraı ilə yeni baş nazir Serj Sarkisyan seçilmişdi. Qərara etiraz olar əsas paytaxt İrəvanda, elədə ölkənin digər şəhərlərində etiraz aksiyaları keçirilirdi. Bu gün bu aksiyalar daha da geniş vüsət almışdı.  Akisyaya hərbçilər də qoşulmuşdu. Ermənistan parlamentinin deputatı, müxalifət partiyasının lideri Nikol Paşinyan azadlığa buraxılıb. dünən həbs edilən N. Paşinyan Serj Sarkisyanın baş nazir seçilməsinə etiraz məqsədilə İrəvanda keçirilən aksiyaya rəhbərlik edir.