USD - 1.7 EUR - 1.9369 RUB - 0.0256 TRY - 0.3176 DAHA ÇOX
SON DƏQİQƏ
20 Yanvar əlilləri və şəhid ailələrinə birdəfəlik maddi yardmlar verilib Aİ Dağlıq Qarabağ münaqişəsinin nizama salınması üzrə danışıqların konkret nəticələrini səbirsizliklə gözləyir “Azeri Light”ın bir barrelinin qiyməti 64 dolları ötüb “ASAN xidmət” mərkəzlərində 20 Yanvar şəhidləri anılıb Bəzi avtobusların hərəkət trayektoriyası dəyişdiriləcək
Fidan Hacıyeva "Cümhuriyyət İli” çərçivəsində silsilə konsert proqramları ilə çıxış edəcək

Azərbaycanın xalq artisti, Akademik Opera və Balet Teatrının solisti Fidan Hacıyeva "Cümhuriyyət İli” çərçivəsində silsilə konsert proqramına start verir.

ASAN Radionun məlumatına görə, Fidan Hacıyeva keçirdiyi mətbuat konfransında bildirib ki, bu proqramda  Üzeyir Hacıbəylinin tələbəsi Ədilə Hüseynovanın yaradıcılığına müraciət edib.

“Üzeyir bəyin tələbələri olan ilk bəstəkar qadınlara - Şəfiqə Axundova, Ağabacı Rzayeva, Ədilə Hüseynzadəyə yaradıcılığımda yer ayırmaq istədim. Ədilə Hüseynzadədən başladım. Onun əsərlərinə vaxtilə Bülbül, Şövkət Ələkbərova, müəllimim Hüseyn Əliyev müraciət edib. İndi də həmin romansları ifa etmək mənə nəsib oldu. Ədilə Hüseynzadənin 16 romansını ifa edəcəyəm. Azərbaycan Xalq Cümhuriyyətinin 100 illiyinə həsr olunmuş tədbirlər silsiləsinə bu əsərlər daxildir”.

Xalq artistinin “Azərbaycan Xalq Cümhuriyyəti-100” adı altında təqdim edəcəyi ilk konserti mayın 6-da Azərbaycan Dövlət Filarmoniyasında baş tutacaq. Növbəti konsertlər isə mayın 16-da Londonda, mayın 23-də isə İsveçrədə keçiriləcək: “Ədilə xanımın əsərləri o qədər gözəldir ki, bütün dünyada onların tanınmasını istəyirəm. Bu əsərlər fəlsəfə, zəngin melodiya və harmoniyalar üzərində qurulub və Nigar Rəfibəyli, Rəsul Rza kimi böyük şairlərin sözlərinə yazılıb. Bu romansları hər dəfə oxuyanda özüm üçün yeni kəşflər edirəm. O əsərlər sanki bu gün üçün yazılıb”.

Əsərlər Fidan Hacıyevanın ifasında yeddi dildə – Azərbaycan, italyan, ispan, rus, alman, ingilis, fransız dilində səslənəcək. Opera müğənnisi konsert proqramının daha sonra İtaliya, Fransa, Türkiyə və s. ölkələrdə təqdim edəcəyini də bildirib: "Böyük ölkələrin səhnələrində Azərbaycan bəstəkarlarının əsərləri səslənəcək. Azərbaycanın mədəniyyətini dünyada tanıtmaq mənim bir vətəndaşlıq borcumdur”. 

Mətbuat konfransında Ədilə Hüseynovanın nəvəsi Səbinə Əliyeva və musiqişünas Elnarə Dadaşova bəstəkarın yaradıcılığından danışıb, onun irsini yüksək qiymətləndiriblər.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio