“Mercedes”in britaniyalı pilotu Luis Hamilton Formula 1 Azərbaycan Qran-Prisini karyerasında ən çətin yürüş adlandırıb.
ASAN Radio AZƏRTAC-a istinadla bu barədə xəbər verir.
“Yəqin ki, bu, mənim yadımda qalan ən çətin yürüşdür. Daim əsən külək işimizdə çətinlik yaradırdı. Biz, demək olar, nəm asfaltda gedirdik; vəziyyət bu dərəcədə mürəkkəb idi. Yürüş gərginlik dərəcəsinə görə, yağışlı havadakına bənzəyirdi”, - deyə L.Hamilton “F1Today” proqramının efirində bildirib.
Xatırladaq ki, L.Hamilton komanda yoldaşı, “Mercedes”in finlandiyalı pilotu Valtteri Bottasın finişə çathaçatda yarışı dayandırmaq məcburiyyətində qalması nəticəsində qələbə qazanıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!