USD - 1.7 EUR - 1.9254 RUB - 0.0256 TRY - 0.317 DAHA ÇOX
SON DƏQİQƏ
Azərbaycanda 200 manatlıq əskinasların dövriyyədə olan həcmi açıqlanıb Özbəkistandan Azərbaycana gətirilən 31 ton kişmiş zərərsizləşdirilib BŞTİ: Məktəblərdə Yeni il şənliyi üçün pul yığılması yolverilməzdir Dövlət Agentliyinin kollektivi Ümummilli lider Heydər Əliyevin məzarını ziyarət edib Tramp və ailəsi barəsində araşdırmalar aparılacaq
Beynəlxalq Muğam Mərkəzində festival qalibləri mükafatlandırılıb

Mayın 3- də Beynəlxalq Muğam Mərkəzində III Buktreyler festivalının  qalibləri mükafatlandırılıb.

ASAN Radio xəbər verir ki, tədbir Mədəniyyət və Turizm Nazirliyinin təşkilati dəstəyi, Beynəlxalq Muğam Mərkəzinin tərəfdaşlığı ilə reallaşıb.

Festival 2016-cı ildən keçirilir və beynəlxalq kitab gününə və müəlliflik hüququna həsr olunub.Hər il festivalda iştirak etmək istəyənlərin sayı artır. Festival çərçivəsində kitab həvəskarları tərəfindən çəkilən 3 dəqiqəlik filmlər arasında ən yaxşıları münsiflər heyəti tərəfindən  seçilmiş və final mərhələsinə keçmişdir.

Festivalın məqsədi kitab və mütaliənin cəmiyyətimizdə təbliği, kino sahəsində istetadlı və yaradıcı gənclərin üzə çıxarılması, buktreylerlərin incəsənət və biznesdə bir istiqamət kimi inkişafıdır.

Tədbirdə ilk olaraq Azərbaycan Buktreyler festivalının təşkilatçısı,  kinoaktyor Ruslan Sabirli, Libraf PR və Marketinq direktoru Ülviyyə Allahverdiyeva, Azercell Korporativ sosial məsuliyyət üzrə sorumlu Sahilə İbrahimova çıxış edərək,  festivalın gənc rejissorlar üçün ilk uğurlu addım olduğunu, həmçinin cəmiyyətdə kitaba böyük maraq yaratmaq üçün bir vasitə olduğunu bildirib.

Festivalın münsiflər heyətinə tanınmış mədəniyyət xadimləri - Azərbaycan Yazıçılar Birliyinin katibi, Xalq yazıçısı Çingiz Abdullayev, kino rejissor, ssenarist, Xalq artisti  Oqtay Mirqasımov, ssenarist ,Mədəniyyət Nazirliyinin kinematoqrafiya şöbəsinin filmlərin təbliği və qeydiyyatı bölməsinin müdiri, Əməkdar Mədəniyyət işçisi Yusif Şeyxov, Əməkdar artist, kino və teatr aktrisası Mehriban Zəki, aparıcı, Əməkdar artist  Murad Dadaşov daxil ediliblər.

Daha sonra qaliblərin mükafatlandırılma mərasımi başladı.III  Festivalın qalibi “Kitab və qutab” buktreylerinin müəllifi Tural Kərimov ,Firdovsi Nəbiyev “Şahid” kinoişinə və Cavad Nuriyev “İkimizin hekayəsi” buktreylerə görə ikinci yerə,Sərdar Nağıyev “Almafobiya”,Bünyamin Sailov “Can nənə,bir nağıl de” və Eynulla Ağadadaşov “Bulud bağçaları” işinə görə üçüncü yerə layiq görülüblər.Qaliblər diplom və pul mükafatı ilə təltif olunublar.

Tədbirin bədii hissəsində Əməkdar artist, tanınmış xanəndə Fərqanə Qasımova çıxış edib.

Mədəniyyət və incəsənət xadimlərinin iştirak etdikləri tədbir gurultulu alqışlarla ilə başa çatıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio