Moskvada Rusiya Prezidenti Vladimir Putinin andiçmə mərasimi keçirilib.
ASAN Radio xəbər verir ki, Rusiya Federasiyası Konstitusiya Məhkəməsinin sədri Valeri Zorkin V.Putinin yeni prezidentlik dövrünə başladığını elan edib. Bundan sonra V.Putin prezident nişanını qəbul edib və and içib.
Böyük Kreml sarayında təşkil olunan mərasimdə 5 mindən çox insan iştirak edib. Vladimir Putin rusiyalılara müraciətlə nitq söyləyib. O, xalq və Rusiya qarşısında üzərinə düşən böyük məsuliyyəti dərk etdiyini, ölkənin tərəqqisi üçün əlindən gələni əsirgəməyəcəyini bildirib.
Xatırladaq ki, bu, Vladimir Putinin dördüncü prezidentlik dövrüdür. O, ilk dəfə Rusiya Federasiyasının başçısı vəzifəsinə 2000-ci ildə seçilmişdi.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!