USD - 1.7 EUR - 1.9515 RUB - 0.0254 TRY - 0.3115 DAHA ÇOX
SON DƏQİQƏ
Xarici valyutaların manata qarşı məzənnələri Azərbaycanın bütün ərazisini əhatə edəcək mütərəqqi kitabxana sistemi yaradılacaq Azərbaycanda ifrat təhlükəli hidrometeoroloji hadisə ilə bağlı Qərargah yaradılıb “ASAN”a konsulluq xidmətləri göstərilməsi hüququ verilib Azərbaycanın Yaponiyadakı səfiri geri çağırılıb
Azərbaycan Avropa Parlamenti ilə əlaqələrin inkişaf etdirilməsində maraqlıdır

Mayın 7-də Milli Məclisin sədri Oqtay Əsədov ölkəmizdə səfərdə olan Avropa İttifaqı-Azərbaycan Parlament Əməkdaşlıq Komitəsinin üzvlərindən ibarət nümayəndə heyəti ilə görüşüb.

ASAN Radio xəbər verir ki, spiker Avropa İttifaqı-Azərbaycan Parlament Əməkdaşlıq Komitəsinin ölkəmiz ilə Avropa Parlamenti arasında əlaqələrin bərpa olunmasına öz töhfəsini verdiyini deyib. Bildirib ki, Azərbaycan Avropa Parlamenti və onun qurumları ilə əlaqələrin inkişaf etdirilməsində maraqlıdır və bu istiqamətdə öz səylərimizi əsirgəmirik. Bu cür qarşılılıqlı səfərlərin, görüşlərin böyük əhəmiyyəti var.

Oqtay Əsədov vurğulayıb ki, Azərbaycanla Avropa Ittifaqı arasında əməkdaşlıq ortaq dəyərlərə söykənməlidir. Bu əlaqələrin hərtərəfli genişlənməsində hər iki tərəf maraqlıdır. Bu marağımızın bariz nümunəsi isə 2017-ci ilin noyabrında Brüsseldə keçirilmiş Şərq Tərəfdaşlığı Sammitində Azərbaycan Prezidentinin iştirakidır.

Oqtay Əsədov bildirib ki, Avropa İttifaqı Azərbaycanın ən böyük ticarət tərəfdaşıdır. Ümumiyyətlə, Şərq Tərəfdaşlığı üzrə Azərbaycan və Ukrayna Avropa ittifaqı üçün ən əsas ticari tərəfdaşlardır. Azərbaycan, həmçinin Avropanın enerji təhlükəsizliyinin təmin olunmasında mühüm rol oynayır. Azərbaycanın ortaya qoyduğu siyasi iradə ilə reallaşan Bakı-Tbilisi-Ceyhan, Bakı-Tbilisi-Ərzurum neft və qaz kəmərləri, eləcə də yekunlaşmaqda olan TANAP və TAP layihələri Avropanın enerji təhlükəsizliyinin təmin olunmasında böyük rol oynayır.

Azərbaycan və Avropa İttifaqı ölkələri arasında əlaqələrin yüksək səviyyədə olduğunu deyən O.Əsədov parlamentlər arasında əlaqələrin də bu cür səviyyənin arzuedilən olduğunu deyib.

Avropa İttifaqı-Azərbaycan Parlament Əməkdaşlıq Komitəsinin sədri Sayyad Kərim bildirib ki, iki il əvvəl Milli Məclisdə baş tutan görüşdən sonra əlaqələrdə böyük irəliləyiş əldə olunub. Aİ ilə Azərbaycan arasında hazırda hərtərəfli saziş üzərində danışıqlar davam etdirilir və bu iki il ərzində görülən işlərin böyük əhəmiyyəti var ki, danışıqlar daha asan keçirir. Biz Azərbaycanla münasibətdə hər zaman açıq dialoqa hazırıq. Sevindirici haldır ki, Azərbaycan da eyni mövqedədir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio