21/06/2018 02:52

Valyuta USD EUR RUB TRY
Kurs 1.7000 1.9671 0.0267 0.3577


Mədəniyyət

"ASAN xidmət"in “Sevdiyim” layihəsinin təqdimat mərasimi keçirilir


11.05.2018   11:01


Ulu öndər Heydər Əliyevin 95, Azərbaycan Xalq Cümhuriyyətinin 100 illiyi ilə əlaqədar “ASAN xidmət”in ərsəyə gətirdiyi  “Sevdiyim” layihəsinin təqdimat mərasimi keçirilir. 

Layihə çərçivəsində görkəmli şair - dramaturq Cəfər Cabbarlının üçrəngli Azərbaycan bayrağına həsr olunmuş “Sevdiyim” şeiri əsasında yüzillik tariximizin əks olunduğu klip çəkilib.  Əsərin bəstəkarı və ifaçısı Respublikanın əməkdar artisti Tünzalə Ağayeva, klipin rejissoru Ülviyyə Könüldür.

Nizami Kino Mərkəzində layihənin təqdimat mərasimi çərçivəsində ilk olaraq mətbuata açıqlama verilib.

“Sevdiyim” klipinə ictimai baxış olacaq. Layihə müddətində bölgələrdə də müxtəlif tədbirlər həyata keçiriləcək.  

Layihə tarixi ənənələrin qorunması və təbliği, milli-mənəvi dəyərlərə sadiqlik,  azərbaycançılıq, dövlətçilik məfkurəsinin genişləndirilməsi məqsədi ilə baş tutur. 

Qeyd edək ki, Azərbaycan Respublikası Prezidentinin 10 yanvar 2018-ci il tarixli Sərəncamı ilə Azərbaycan Xalq Cümhuriyyətinin yaranmasının 100-cü ildönümü ilə əlaqədar ölkəmizdə və ölkə xaricində silsilə tədbirlər həyata keçirilir.  
















ASAN Radio telefonunuzda
Facebook