USD - 1.7 EUR - 1.9292 RUB - 0.0255 TRY - 0.3157 DAHA ÇOX
SON DƏQİQƏ
Yunanıstanda 8 ildən sonra ilk dövlət büdcəsi təsdiqləndi Alıcıların nəzərinə: Ödəniş POS-terminal vasitəsilə aparıldıqda ƏDV-nin 15 faizi qaytarılacaq UEFA "Qarabağ"ı cərimələdi - 20 min avro AQTA sahibkarlara müraciət edib “Mançester Yunayted”in yeni baş məşqçisi bəlli oldu
Ü.Mehdiyev: Heydər Əliyev imkan vermədi ki, Azərbaycan Respublikası Cümhuriyyətin taleyini yaşasın

Məhz Ulu Öndər Heydər Əliyev imkan vermədi ki, Azərbaycan Respublikası Xalq Cümhuriyyətinin taleyini yaşasın.

ASAN Radionun məlumatına görə, bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bildirib.

O, may ayında Azərbaycan tarixində 2 əlamətdar hadisənin qeyd olunduğunu vurğulayıb:

"May ayında həm Ümummilli Lider Heydər Əliyevin anadan olmasının 95 illiyinin, həm də Azərbaycan Xalq Cümhuriyyətinin 100 illiyi keçirilir. Ulu Öndərlə Azərbaycan Xalq Cümhuriyyətini birləşdirən nüanslar var. Əsas nüans isə dövlət bayrağıdır. Çünki 1918-ci ildə Cümhuriyyət yarandıqdan sonra 3 rəngli bayrağımız təsis olundu və 23 ay yaşaya bildi. Ancaq bu estafeti Ulu Öndər qəbul etdi və bayrağı bir daha enməmək şərtilə qaldırdı. Ona görə də bu bayraq əslində Ümummilli Liderlə Cümhuriyyəti birləşdirən rəmzi bir nüansdır".

Ü.Mehdiyev bildirib ki, çox qısa müddətdə yaşayan Cümhuriyyətin süqutunun müxtəlif səbəbləri var: "Amma iki əsas var. Bunun biri Cümhuriyyətin son dövrlərində yaşanan siyasi böhran, siyasi sabitsizlik, ikinci faktor isə xarici işğal faktoru idi. Təəssüf ki, bu iki amilə görə cümhuriyyətimiz süquta uğradı. Amma tale elə gətirdi ki, əsrin sonunda biz yenidən müstəqillik əldə etdik. 1991-1992-ci illərdə dövlətimiz Cümhuriyyətin taleyini yaşamaq ərəfəsində olmuşdu. Ancaq bu dəfə bizim bəxtimiz onda gətirdi ki, Azərbaycan xalqını vahid amal ətrafında birləşdirən və böyük dövlətçilik təcrübəsinə malik liderimiz var idi. Məhz Heydər Əliyev imkan vermədi ki, Azərbaycan Respublikası Xalq Cümhuriyyətinin taleyini yaşasın".

Dövlət Agentliyinin sədri əlavə edib ki, dövlətçilik, azərbaycançılıq məfkurəsi ilə yaşayan Heydər Əliyev daim milli kadrlara himayəçilik edib, onları qoruyub və rəhbərlik etdiyi dövrdə də milli kadrları irəli çəkib, milli kadrların yetişdirilməsi üçün istər siyasi, istər iqtisadi, istərsə də hərbi sahədə baza yaradıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio